28-29 იანვარს ბაკურიანში 2016-2017 წლის საქართველოს სამთო-სათხილამურო თასის გათამაშების მეორე ეტაპზე გიგანტურ სლალომსა და სპეციალურ სლალომში მესტიელმა სპორტსმენებმა პირველი, მეორე და მესამე ადგილები მოიპოვეს.

საქართველოს სამთო-სათხილამურო თასის გათამაშების მეორე ეტაპი საქართველოს სათხილამურო ფედერაციამ,  სპორტისა და ახალგაზრდობის  საქმეთა სამინისტროს,  გენერალურ სპონსორ “სილქნეტისა“ და მთის კურორტების განვითარების კომპანიის მხარდაჭერით, გამართა.

შეჯიბრში მონაწილეობდნენ: საქართველოს იუნიორთა ნაკრები, თბილისის წმ. გიორგის სახელობის სკოლის, ბაკურიანის, მესტიისა და აჭარის სპორტ-სკოლის სპორტსმენები.

პორტსმენი გოგონები და ვაჟები,  როგორც ყოველთვის, სამ ასაკობრივ ჯგუფში განაწილდნენ:

ბავშვები  I,  დაბადების წელი 2003-2004
ბავშვები II, დაბადების წელი 2001-2002
მოზრდილები და იუნიორები, დაბადების წელი 2000 და უფროსი ასაკი.

პირველ დღეს “გიგანტური სლალომი” დიდველის ტრასაზე გაიმართა, ხოლო მეორე დღეს “სპეციალური სლალომი” – განახლებულ მიტარბის რთულ ტრასაზე.

“გიგანტურ სლალომში”:

პირველი ადგილი (2003-2004წწ.) – ირაკლი არღვლიანი ,

მეორე ადგილი(2001-2002წწ.) – მაგატა ჯაფარიძე,

მესამე ადგილი(2000+) – ანა ჩართოლანი,

მესამე ადგილი(20003-2004) – ლუკა ჯაფარიძე.

“სპეციალურ სლალომში”:

პირველი ადგილი (2001-2002წწ.) – თადეოზ ჯაფარიძე,

პირველი ადგილი (2003-2004წწ.) – ირაკლი არღვლიანი,

მეორე ადგილი ( 2000+) – ანზორი ჯაფარიძე,

მეორე ადგილი (2001-2002) – ავთო ჯაფარიძე,

მესამე ადგილი(2003-2004) – მიხეილ ჩართოლანი.

მესტიელი სამთო-მეთხილამურების მწვრთნელები არიან: ეკა უშხვანი, გოდერძი დადვანი, რეზო და თემურ ჯაფარიძეები.

მწვრთნელებსაც და სპორტსმენებსაც ვულოცავთ ამ წარმატებას და კიდევ მეტ წარმატებებს ვუსურვებთ.

ფოტოები აღებულია “რადიო ჯაკო”-სა და საქართველოს სათხილამურო ფედერაციის საიტებიდან.

მადონა წერედიანი, მესტია.