შიმშილობის აქცია შეწყდა, საგუშაგო აქციები გრძელდება

გუშინ დაბა ლენტეხში, ეკონომიკისა და მდგრადი განვითარების მინისტრის მოადგილემ გიორგი ჩიქოვანმა, ასევე პოლიციის მაღალჩინოსნებმა, პირობა მისცეს “ხელედულა 3” ჰესის მშენებლობის საწინააღმდეგო აქციის მონაწილეებს, რომ მათთან მოლაპარაკების გარეშე ლეჩხუმში მობილიზებული სამშენებლო ტექნიკა ადგილიდან არ დაიძვრება, მოლაპარაკება კი ორშაბათს, 30 ივლისს განახლდება. ამ პირობის მიღების შემდეგ აქციების მონაწილეების მხრიდან დიდი თხოვნის შემდეგ, შიმშილობა შეწყვიტეს ზაზა, რაჯი, ზვიად და იოსებ  ლიპარტელიანებმა.
Continue reading შიმშილობის აქცია შეწყდა, საგუშაგო აქციები გრძელდება

გუშინ დაბა ლენტეხში პოლიციის მიერ აქციის დაშლისას ნატო ლიპარტელიანი დაშავდა

გუშინ მას შემდეგ რაც ეკონომიკისა და მდგრადი განვითარების მინისტრის მოადგილემ გიორგი ჩიქოვანმა უარი თქვა ჰესის ასაშენებლად ლეჩხუმში მობილიზებული სამშენებლო ტექნიკის გაყვანაზე რეგიონიდან, სასტუმროსთან მიმდინარე საპროტესტო აქციას გამოეყო ქალბატონების ჯგუფი, რომელთაც მხარეთმცოდნეობის მუზეუმის მიმდებარე ტერიტორიაზე პროტესტის ნიშნად გადაკეტეს ცენტრალური გზა. რეგიონული პოლიციის წარმომადგენლებმა ფიზიკური ძალის გამოყენებით დაშალეს ქალბატონების ეს აქცია, შედეგად დაშავდა ჰესის მშენებლობის საწინააღმდეგო მოძრაობის აქტიური მონაწილე, დაბა ლენტეხის N1 საჯარო სკოლის პედაგოგი ნატო ლიპარტელიანი.
Continue reading გუშინ დაბა ლენტეხში პოლიციის მიერ აქციის დაშლისას ნატო ლიპარტელიანი დაშავდა

მინისტრის მოადგილე მოსახლეობას მშენებლების სასტუმროდან გაყვანას შეჰპირდა, ტექნიკის გაყვანას კი – არა

ეკონომიკისა და მდგრადი განვითარების მინისტრის მოადგილე გიორგი ჩიქოვანი ისევ მიბრუნდა საპროტესტო აქციაზე დაბა ლენტეხში და მოსახლეობას თურქეთიდან ჩამოსული მშენებლების გაყვანას შეჰპირდა საპროტესტო აქციის დაშის შემთხვევაში, ხოლო ლეჩხუმში მობილიზებული სამშენებლო სპეც. ტექნიკის გაყვანაზე უარი თქვა, რასაც აქციაზე მყოფი მოსახლეობის მწვავე რეაქცია მოჰყვა.
Continue reading მინისტრის მოადგილე მოსახლეობას მშენებლების სასტუმროდან გაყვანას შეჰპირდა, ტექნიკის გაყვანას კი – არა

დაბა ლენტეხში საპროტესტო აქციის მონაწილეებს მინისტრის მოადგილე შეხვდა

დღეს ისევ გრძელდება საპროტესტო აქციები ქვემო სვანეთში დაგეგმილი “ხელედულა 3” ჰესის მშენებლობასთან დაკავშირებით. ცოტა ხნის წინ საპროტესტო აქციაზე მოსახლეობას შეხვდა ეკონომიკისა და მდგრადი განვითარების მინისტრის მოადგილე გიორგი ჩიქოვანი.
Continue reading დაბა ლენტეხში საპროტესტო აქციის მონაწილეებს მინისტრის მოადგილე შეხვდა

ქვემო სვანეთში ხელედულა-ჰესის მოწინააღმდეგეებმა პრემიერ-მინისტრს ღია წერილით მიმართეს

გუშინ, ხელედულა-ჰესის მშენებლობის აქტიურმა მოწინააღმდეგემ, სოფ. ხელედის საჯარო სკოლის პედაგოგმა ელდინო ლიპარტელიანმა გაავრცელა ქვემო სვანეთის მოსახლეობის მიმართვა პრემიერ-მინისტრისადმი:
“ქვემო სვანეთის მოსახლეობის ღია წერილი პრემიერს.
ბატონო პრემიერო,
დღეს ლენტეხში თითქმის საომარი ვითარებაა. ძლევამოსილი თურქი ინვესტორი დაუცველ და უქონელ-უპოვარ მოსახლეობას ხისტი და ძალადობრივი პოლიტიკით უპირისპირდება. Continue reading ქვემო სვანეთში ხელედულა-ჰესის მოწინააღმდეგეებმა პრემიერ-მინისტრს ღია წერილით მიმართეს

ზემო სვანეთში გზა გახსნილია – მოსახლეობა და ცენტრალური ხელისუფლება შეთანხმდნენ

დღეს, დაახლოებით დილის 3 საათზე, მესტიის მუნიციპალიტეტის სოფ. ხაიშის საჯარო სკოლის პედაგოგმა ზურაბ ნიჟარაძემ გაავრცელა ინფორმაცია მოსახლეობასა და ცენტრალურ ხელისუფლებას შორის წუხელ შემდგარი შეთანხმების შესახებ: “… ადგილობრივ მოსახლეობასა და ხელისუფლების წარმომადგენლებს შორის შედგა შეთანხმება, რის საფუძველზეც გაყვანილია ძალოვანი სტრუქტურების, ასევე სხვა საფინანსო დეპარტამენტის წარმომადგენლები!
Continue reading ზემო სვანეთში გზა გახსნილია – მოსახლეობა და ცენტრალური ხელისუფლება შეთანხმდნენ

ქვემო სვანეთში და ლეჩხუმში “ხელედულა 3” ჰესის საწინააღმდეგო აქციები ისევ გრძელდება

ამ დროისათვის დაბა ლენტეხში საპროტესტო აქციას უფრო მეტი ადამიანი შეუერთდა. ისინი მობილიზებული არიან ოლიმპიური მომზადების ცენტრთან არსებულ სასტუმროსთან, რომელშიც თურქეთიდან ჩამოსული მშენებლები იმყოფებიან. აქციის მონაწილენი ხმამაღალი შეძახილებით მოუწოდებენ მშენებლებს დატოვონ სვანეთი.
Continue reading ქვემო სვანეთში და ლეჩხუმში “ხელედულა 3” ჰესის საწინააღმდეგო აქციები ისევ გრძელდება

“სვანეთში მდგომარეობა უკიდურესად იძაბება” – ზურაბ ნიჟარაძემ ახალი განცხადება გაავრცელა

ხუდონ-ჰესის მშენებლობის აქტიურმა მოწინააღმდეგემ, ხაიშის საჯარო სკოლის მათემატიკის პედაგოგმა ზურაბ ნიჟარაძემ დაახლოებით 1 საათის წინ ახალი განცხადება გაავრცელა სოციალური ქსელით:
“S.O.S.!
სვანეთში მდგომარეობა უკიდურესად იძაბება!
შემოყვანილია პოლიცია, არაოფიციალური წყაროებით მივიღეთ ინფორმაცია, რომ შემოყავთ დამატებითი ძალები!
მოვუწოდებთ ხელისუფალთ, თავი გაანებონ ხელების გადგრეხვის პოლიტიკას, დაელაპარაკონ საკუთარ ხალხს, თუ ხალხი საკუთარ ხალხად მიაჩნიათ!
აქ ხე-ტყე არაფერ შუაშია, მავანთ სჭირდებათ სვანეთი უსვანებოდ!
გთხოვთ ყველას თანადგომას, რომ არ განვითარედეს შეუქცევადი პროცესები!
ჩვენ უკანდახევას არ და აღარ ვაპირებთ!”
Continue reading “სვანეთში მდგომარეობა უკიდურესად იძაბება” – ზურაბ ნიჟარაძემ ახალი განცხადება გაავრცელა

დაბა ლენტეხში საპროტესტო აქციები ისევ გრძელდება

დაბა ლენტეხში დღეს ისევ გაგრძელდა “ხელედულა 3” ჰესის მშენებლობის საწინააღმდეგო აქციები. მოსახლეობა შეიკრიბა ოლეგ ლიპარტელიანის სახელობის ოლიმპიური მომზადების ცენტრთან არსებულ სასტუმროსთან და იქ განთავსებულ თურქეთიდან ჩამოსულ მშენებლებს სვანეთის დატოვებისკენ მოუწოდა:
Continue reading დაბა ლენტეხში საპროტესტო აქციები ისევ გრძელდება

ზემო სვანეთში, ჭუბერში და ხაიშში სპეც. რაზმია შეყვანილი

ხუდონჰესის მშენებლობის საწინააღმდეგო მოძრაობის აქტივისტმა, ხაიშის საჯარო სკოლის მათემატიკის პედაგოგმა ზურაბ ნიჟარაძემ სოციალურ ქსელში გაავრცელა შემდეგი განცხადება:
“დაიწყო ახალი ეგზეკუცია სვანეთის მიმართულებით!
ხე-ტყის უკანონოდ მოპოვების აღკვეთის მოტივით დაახლოებით 1000-1200 პოლიციელია შემოსული ხაიშისა და ჭუბერის თემებში!
Continue reading ზემო სვანეთში, ჭუბერში და ხაიშში სპეც. რაზმია შეყვანილი

საპროტესტო შიმშილობის მე-4 დღეს ემზარ ლიპარტელიანი ცუდად გახდა

გუშინ, 25 ივლისს, შიმშილობის დაწყებიდან მე-4 დღეს ლენტეხის მუნიციპალიტეტის სოფ. წანაშის მცხოვრები ემზარ ლიპარტელიანი ცუდად გახდა და ცაგერის საავადმყოფოში იქნა გადაყვანილი. უკვე მე-5 დღეა, ცაგერის მუნიციპალიტეტის სოფ. ბარდნალაში, “ხელედულა 3” ჰესის მშენებელი კომპანიის მიერ მობილიზებულ სამშენებლო ტექნიკასთან, შიმშილობას კვლავ აგრძელებენ ზაზა, ვეფხია, რაჯი და მირიან ლიპარტელიანები. აღსანიშნავია, რომ ზაზა ლიპარტელიანს ფილტვების ანთება დაუდგინეს, მაგრამ ის მაინც აგრძელებს შიმშილობას.
Continue reading საპროტესტო შიმშილობის მე-4 დღეს ემზარ ლიპარტელიანი ცუდად გახდა

გუშინ დაბა ლენტეხში დაწყებული საპროტესტო აქცია მთელი ღამე გაგრძელდა

გუშინ, 25 ივლისს, დაბა ლენტეხში ისევ გაიმართა “ხელედულა 3” ჰესის საწინააღმდეგო აქცია. პარალელურად, ლეჩხუმში, სოფ. ბარდნალაში დაბანაკებულ სამშენებლო ტექნიკასთან უკვე მე-6 დღეა გრძელდება შიმშილობა. ქვემო სვანეთში საკმაოდ დაძაბული მდგომარეობაა და დღესაც იგეგმება აქცია დაბა ლენტეხში. საპროტესტო აქციაზე იმყოფებოდნენ ზემო სვანეთის და საქართველოს სხვადასხვა კუთხეების მაცხოვრებელნიც.
Continue reading გუშინ დაბა ლენტეხში დაწყებული საპროტესტო აქცია მთელი ღამე გაგრძელდა