Monthly Archives: December 2016

ლატალელმა მოსწავლეებმა “კუკარაჩა” ქუთაისის საოპერო თეატრის სცენაზე გააცოცხლეს

18 დეკემბერს ქუთაისის საოპერო თეატრის სცენაზე ქუთაისის სასკოლო თეატრალური ფესტივალი ჩატარდა. ღონისძიებაში მონაწილეობა მიიღეს ლატალის საჯარო სკოლის მოსწავლეებმა, რომლებმაც ფესტივალზე ნოდარ დუმბაძის ,,კუკარაჩა” წარმოადგინეს.  სპექტაკლმა დამსწრე საზოგადოების დიდი მოწონება დაიმსახურა. სკოლის დირექტორი ციოყ წერედიანი მადლობას უხდის ,,რეგიონალური განვითარების ფონდს,” რომლის მხარდაჭერითაც მოხერხდა მოსწავლეების ამ მეტად საპატიო და საპასუხისმგებლო ფესტივალზე წარდგენა. ამავე ფონდის მხარდაჭერით ფესტივალზე მონაწილეობა მიიღეს ასევე ლენტეხის სოფელ ხელედისა და თერჯოლის სოფელ ზევრის საჯარო სკოლის მოსწავლეებმა.

მადონა წერედიანი, მესტია

ქველმოქმედმა სამრევლო სკოლას საკუთარი ბიბლიოთეკა უსახსოვრა

ლატალის მკვიდრმა 15 დეკემბერს ლატალის თამარ მეფის სამრევლო სკოლას საკუთარი ბიბლიოთეკიდან წიგნები უსახსოვრა. ჩვენი თანამემამულე თბილისში ცხოვრობს. მან ამ ეტაპზე ინკოგნიტოდ დარჩენა ისურვა. როგორც თავად ამბობს, წინ კიდევ ბევრი საინტერესო იდეა აქვს განსახორციელებელი. ორმაგად დასაფასებელია ის ფაქტი, რომ მიუხედავად მკაცრი ზამთრისა, ქველმოქმედმა მოახერხა და ამ რთულ პირობებში თავად ჩამოიტანა წიგნები და გადასცა სამრევლო სკოლას. აღსანიშნავია, რომ ლიტერატურა საეკლესიო თემატიკაზეა.  მისი სურვილია, მოზარდები, გარკვეულწილად, მოწყდნენ ინტერნეტსივრცის იმ ველს, საიდანაც მხოლოდ ნეგატიურ და მოზარდებისთვის არასასურველ ინფორმაციას იღებენ. ამ იდეის განსახორციელებას კვლავ აპირებს მსგავსი აქციებით. ქველმოქმედს სურს, საკუთარი სოფლის მოზარდი თაობის სულიერ და მორალურ ფორმირებაში თვისი წვლილი შეიტანოს. “svanetiinfo”  წარმატებებს უსურვებს მას და მადლიერებას გამოხატავს კეთილგონივრული იდეის წამოწყებისთვის.

15570980_1133495233434730_1524712671_n

მადონა წერედიანი, მესტია

ეთო ლიპარტელიანი – 2016 წლის საუკეთესო ქალი ძიუდოისტი

კიდევ ერთი სასიამოვნო სიახლე ძიუდოს გულშემატკივრებს: სოციალურ ქსელ facebook-ზე შექმნილ ჯგუფ “We Love Judo” ტრადიციულად წლის საუკეტესო ძიუდოისტი დაასახელა. წელს ეს პატივი წილად ხვდა ლენტეხელ ძიუდოისტს გოგონათა შორის ეთერ ლიპარტელიანს. svanetiinfo ულოცავს მას ამ წარმატებას:

ნატა ჯაფარიძე – პირველი და ერთადერთი ქალი მაშველი საქართველოს სამთო-სათხილამურო კურორტებზე

23 წლის ნატა ჯაფარიძე ზემო სვანეთის სამთო-სათხილამურო კურორტებზე მაშველად მუშაობს. ის საქართველოში პირველი და, ჯერჯერობით, ერთადერთი ქალი მაშველია სამთო-სათხილამურო კურორტებზე. ამ რთულ და, ამავდროულად, საინტერესო სამუშაოზე საქართველოში სულ 6 ქალია დასაქმებული, მათგან სამთო-სამაშველო სამსახურში მხოლოდ ჩვენი კუთხის შვილი – ნატა ჯაფარიძე თეთნულდის სათხილამურო ტრასაზე ასრულებს თვის მოვალეობას.

“იცხოვრებდი სვანეთში მუდმივად?..”

ჩვენი დღევანდელი რესპოდენტები არიან სოფიო მეგრელიძე და ბექა გელოვანი, ახალგაზრდა წყვილი, რომელთაც სვანეთში მუდმივად დასახლების სურვილი აქვთ… დიდი მიგრაციის პირობებში სვანეთზე შეყვარებული ახალგაზრდა წყვილის ისტორია იმდენად საინტერესოა, ჩავთვალეთ, რომ მკითხველისთვისაც გაგვეზიარებინა მათი ცხოვრების შესახებ ინფორმაცია. ბექა და სოფიო 6 თვის წინ შეუღლდნენ და სვანეთში დამკვიდრების მსურველებს, ამ კუთხის განვითარების დიდი იმედები და თავისებური ხედვაც აქვთ.

ქვემო სვანეთში მდ. ხელედურის და მდ. ლასკადურის ხეობის სოფლებს ელ. ენერგია არ მიეწოდებათ

ქვემო სვანეთში ამინდის გაუარესებასთან ერთად ელ. ენერგიის მიწოდების მხრივ ისევ შეფერხებებია. გუშინ საღამოს 10 სთ-იდან ელ. ენერგია არ მიეწოდებოდა ჩოლურის და ლაშხეთის თემების სოფლებს, დღეს დილით კი მთლიანად ლენტეხის მუნიციპალიტეტში გამოირთო ელ. ენერგია.

სვანეთში სამთო-სათხილამურო სეზონი ჰაწვალი_ზერულდის სათხილამურო ტრასით გაიხსნა

ზემო სვანეთში 10 დეკემბერს  სამთო-სათხილამურო საკურორტო სეზონი ოფიციალურად გაიხსნა. ღონისძიება სიმბოლურად  ჰაწვალი_ზერულდის სათხილამურო ტრასის გახსნით აღინიშნა. 2 ათეული წლის მანძილზე პირველი  შემთხვევაა, როდესაც ასე ადრიანად გაიხსნა სეზონი. შესაბამისად, მოლოდინიც დიდია, ვინაიდან 5 სათხილამური ტრასა ერთიანად ამოქმედდა, რომელიც ევროპული სტანდარტების შესაბამისად არის მოწყობილი და ნებისმიერი დონის დაინტერესებული პირის მოთხოვნებს დააკმაყოფილებს, ეს იქნება პროფესიონალი თუ მოყვარული მოთხილამურე.

ვარლამ ლიპარტელიანი სპეციალური ორდენით -“ოქროს მანგუსტით” – დაჯილდოვდა

3 დეკემბერს  უკრაინის ქალაქ ოდესაში საერთაშორისო სპორტული პრემიის “ოქროს მანგუსტი”-ს დაჯილდოების ცერემონიაზე ვარლამ (ვალერი) ლიპარტელიანი სპეციალური ორდენით – “ოქროს მანგუსტი” – დააჯილდოვეს.

ქართველი ემიგრანტის წერილი

ემიგრაცია – პოლიტიკური, ეკონომიკური ან პირადი მიზეზებით უცხო ქვეყანაში მცირე ხნით ან მუდმივად საცხოვრებლად წასვლა.

ეს არის განმარტება,  რომელიც ძალიან ზოგადია, მაგრამ სინამდვილეში ემიგრაციას ბევრნაირი განმარტება შეგვიძლია მოვუძებნოთ. არსებობს იძულებითი ემიგრაცია, რომელიც ყველაზე რთული და მძიმეა. უამრავი ემიგრანტი შვილი ჰყავს საქართველოს. მათი ზუსტი რაოდენობის დადგენა შეუძლებელია, მაგრამ იმის თქმა დანამდვილებით შემიძლია, რომ მათი რაოდენობა მხოლოდ იზრდება და,  ვინ იცის, როდის დაუდგება ჩვენს სამშობლოს ის სანატრელი დღე, როდესაც სამშობლოდან გადახვეწილი ქართველების რაოდენობა შემცირდება და არ გაიზრდება.

სოფ. ლატალში სამრევლო სკოლა ფუნქციონირებს

2006 წელს მესტიისა და ზემო სვანეთის ეპისკოპოსის (ამჟამად მიტროპოლიტი) ილარიონის  (ქიტიაშვილი) ლოცვა-კურთხევით და სოფელ ლატალის მაცხოვრის ამაღლების სახელობის ტაძრის იღუმენის (ამჟამად სქიმარქიმანდრიტი) ეგნატეს (კურტანიძე) მონდომებითა და ძალისხმევით, სოფელ ლატალში გაიხსნა “წმინდა თამარ მეფის სახელობის სამრევლო სკოლა”.