Category Archives: კრივი

ბექა წერედიანმა კრივში თენგიზ ჯაოშვილისა და სპარტაკ ასანიძის ტურნირი მოიგო

27-28-29 ივნისს ქალაქ ჭიათურაში ჩატარდა თენგიზ ჯაოშვილისა და სპარტაკ ასანიძის სახელობის რესპუბლიკური ტურნირი კრივში, რომელშიც სოფ. ლატალის გურამ თიკანაძის სახელობის სპორტ-კომპლექსის აღსაზრდელმა ბექა წერედიანმა პირველი ადგილი დაიკავა (48 კგ. წონით კატეგორიაში). მეორე ადგილები დაიკავეს: ლატალიდან – ბორია ფირცხელანმა (36კგ.), სოფ. ხაიშიდან – დავით ჭკადუამ (46კგ.) და ნიკა მანიამ (27 კგ.).

ირაკლი ქურასბედიანის მორიგი წარმატება კრივში

13 მაისს ბარსელონაში გაიმართა პროფესიონალური სარეიტინგო ორთაბრძოლა კრივში  ირაკლი ქურასბედიანსა და  მალიორკელ ლორენსო რაიოს შორის. ორთაბრძოლა  ირაკლი ქურასბედიანის  გამარჯვებით დასრულდა,

ირაკლიმ გამარჯვება მეორე რაუნდში ტექნიკური ნოკაუტით მოიპოვა. ორთაბრძოლას ორგანიზატორობდა ირაკლი ქურასბედიანის მწვრთნელი და მენეჯერი დანიელ კასერტა.  მოგებულს  ფულადი პრიზი გადაეცა.

ირაკლი ქურასბედიანი პროფესიონალურ კრივში ასპარეზობს

ესპანეთის ქალაქ ბარსელონაში მოღვაწე მოკრივე,  ქვემო სვანეთის  სოფელ ბაბილის მკვიდრი, ირაკლი  იმედას ძე ქურასბედიანი  უკვე  9 წელია რაც სპორტის ამ სახეობაში ვარჯიშობს და უკვე საკმაოდ წარმატებულია, მოყვარულ მოკრივეებს შორის  მოგებული აქვს ესპანეთის თასი, მეგობრობის საერთაშორისო ტურნირი, კატალონიის რეგიონის ტურნირი რამდენჯერმე, ასევე სხვა არარეგიონული ტურნირები. ის ჯერ 23 წლის არის,  უკვე პროფესიონალურ კრივში აგრძელებს ასპარეზობას და წარმატების დიდი იმედი აქვს.
გთავაზობთ ინტერვიუს პერსპექტიულ სპორტსმენთან:

ბექა წერედიანმა კრივში ზურაბ სარსანიას სახელობის ტურნირი მოიგო

22-23 აპრილს ქ. ფოთში ჩატარებულ ზურაბ სარსანიას სახელობის ტურნირზე კრივში პირველი ადგილი დაიკავა ლატალის გურამ თიკანაძის სახელობის სპორტ-სკოლის აღსაზრდელმა ბექა წერედიანმა (48-კგ.), ხოლო გიორგი კვანჭიანმა მესამე ადგილი დაიკავა. მათი მწვრთნელია – გურამ წერედიანი.