Monthly Archives: May 2017

“… მესტია და ლენტეხი უნდა გაერთიანდეს…” – განაცხადა ვიქტორ ჯაფარიძემ

25 მაისს მესტიაში საკონსტიტუციო ცვლილებების კანონპროექტის სახალხო განხილვის შემდეგ პარლამენტარმა ვიქტორ ჯაფარიძემ ჟურნალისტთან საუბარში აუცილებლობად მიიჩნია მესტიის მუნიციპალიტეტის სამეგრელო-ზემო სვანეთის რეგიონიდან გამოყოფა და ლენტეხის მუნიციპალიტეტთან ერთად ახალი გუბერნიის შექმნა.

მესტიაში საკონსტიტუციო ცვლილებების კანონპროექტის განხილვა გაიმართა

25 მაისს მესტიაში, სვანეთის ისტორიისა და ეთნოგრაფიის მუზეუმის საკონფერენციო დარბაზში საკონსტიტუციო ცვლილებების კანონპროექტის განხილვა გაიმართა. დარბაზში მყოფ საზოგადოებას საქართველოს კონსტიტუციაში შესატანი ცვლილებების აუცილებლობის შესახებ ესაუბრენ სამართლის დოქტორი ვასილ გონაშვილი და  საპარლამენტო უმრავლესობის წევრები გიორგი ვოლსკი, ცოტნე ზურაბიანი, დავით მათიკაშვილი.

მესტიაში 26 მაისი სხვადასხვა ღონისძიებებით აღინიშნა

26-მაისს, მესტიაში, საქართველოს დამოუკიდებლობის დღესთან დაკავშირებით, სეტის მოედანზე გაიმართა ზემო სვანეთის  სხვადასხვა სოფლებიდან ადგილობრივი რეწვის   ნიმუშების გამოფენა-გაყიდვა. ხელნაკეთმა ნივთებმა უცხოელი ტურისტების განსაკუთრებული მოწონება დაიმსახურეს, ასევე გაიმართა საზეიმო კონცერტი, რომელიც მესტიის მუნიციპალიტეტის გამგებლის პირველი მოადგილის ქალბატონ ნელი ნავერიანის გამოსვლით გაიხსნა.

26 მაისს ლენტეხში კონცერტი ჩატარდა და ნახატების გამოფენა მოეწყო

26 მაისს, საქართველოს დამოუკიდებლობის დღესთან დაკავშირებით, ლენტეხის მუნიციპალიტეტის გამგეობის კულტურის სამსახურის ორგანიზებით (ხელმძღვანელი მარადი ლიპარტელიანი)  ჯ. მეშველიანის სახელობის კულტურის სახლში გაიმართა კონცერტი, რომელშიც მონაწილეობდნენ ჯ. მეშველიანის სახელობის კულტურის ცენტრი (დირექტორი-მაყვალა გაზდელიანიდა მასთან არსებული გ. გუგავას სახელობის ანსამბლი “ლაგუშედა” ( ლოტბარი ზურა ლიპარტელიანი),

მეუფე ილარიონმა ამაღლების სადღესასწაულო წირვა ლატალის მაცხოვრის ამაღლების სახელობის ტაძარში აღავლინა

25 მაისს, მაცხოვრის ამაღლების ბრწყინვალე დღესასწაულზე
მესტიისა და ზემო სვანეთის მიტროპოლიტმა ილარიონმა
საზეიმო წირვა  ლატალის X-XI სს. მაცხოვრის ამაღლების სახელობის ტაძარში აღავლინა.
მოგეხსენებათ, რომ დღესასწაულის სახელობის ტაძარში აღვლენილ წირვას განსაკუთრებით დიდი მადლი ახლავს და ლატალელებისათვის ეს ორმაგი ზეიმი იყო, როგორც უფლის ამაღლების დღესასწაულის სიხარული, აგრეთვე მეუფის აღვლენილი წირვის მადლი.
წირვის შემდეგ მეუფე ილარიონმა შემდეგი ქადაგებით მიმართა მრევლს:

ირაკლი ონიანი დიაკვნად ეკურთხა

გუშინ, 25 მაისს, ცაგერის ღვთისმშობლის მიძინების სახელობის ტაძარში მაცხოვრის ამაღლების სადღესასწაულო წირვის შემდეგ ცაგერისა და ლენტეხის მიტროპოლიტმა სტეფანემ (კალაიჯიშვილი)
დიაკვნად აკურთხა ირაკლი ონიანი. აღსანიშნავია, რომ დეკანოზი გიორგის (ონიანი)  დიაკვნად კურთხევის შემდეგ თითქმის 10 წელი გავიდა და ამის შემდეგ ირაკლი ონიანი ერთადერთია ქვემო სვანეთის მაცხოვრებლებს შორის, რომელიც სასულიერო პირი გახდა.

“ვამზადებ ისეთ სპორტსმენებს, რომლებსაც შეუძლიათ 2020 წლის ოლიმპიურ თამაშებში მიიღონ მონაწილეობა” – ავთო ქურასბედიანი

წარმატებული მეკლდეური ავთო ქურასბედიანი დაიბადა ლენტეხის რაიონის სოფელ ბაბილში 1983 წლის 26 აგვისტოს. 1999 წელს დაამთავრა ლენტეხის  N1 საჯარო სკოლა და სწავლა განაგრძო  საქართველოს ფიზიკური აღზრდისა და  სპორტის აკადემიაში (მწვრთნელთა ფაკულტეტზე).

ის 15 წელი იყო აქტიურ სპორტში, მრავალ წარმატებას მიაღწია, ხოლო ამჟამად საქართველოს ნაკრების მწვრთნელია მეკლდეურობაში. გთავაზობთ ინტერვიუს წარმატებულ სპორტსმენთან და მწვრთნელთან:

“არქიმედეს თასი” მესტიის II საჯარო სკოლამ მოიპოვა

20 მაისს, მესტიის მიხეილ ხერგიანის სახელობის II საჯარო სკოლაში
გაიმართა კონკურსი ფიზიკაში – “არქიმედეს თასი”, რომელშიც ამ სკოლისვე გუნდმა გაიმარჯვა. კონკურსში ზემო სვანეთის ათი სკოლის გუნდმა მიიღო მონაწილეობა.

ამ კონკურსის პროექტის ავტორია დათო ჯოხაძე, რომელიც პროექტის “ასწავლე საქართველოსთვის”:ფარგლებში ფიზიკას
ასწავლის იფარის საჯარო სკოლაში. აღნიშნული კონკურსი პირველად ჩატარდა 2016 წელს და პირველი გამარჯვება იფარის სკოლამ მოიპოვა.

ჩატარდა კონფერენცია “განვავითაროთ ერთმანეთი”

21 მაისს, მესტიის მიხეილ ხერგიანის სახელობის II საჯარო სკოლაში ჩატარდა პედაგოგთა კონფერენცია “დავეხმაროთ ერთმანეთს”. კონფერენციის ინიციატორი გახლდათ პროგრამის “ასწავლე საქართველოსთვის” მონაწილე, სოფ. იელის საჯარო სკოლის დაწყებითი კლასის პედაგოგი ნინო ჭიჭინაძე. ჩვენთან საუბარში მან აღნიშნა: “… პროგრამა “ასწავლე საქართველოსთვის” ზრუნავს არა მხოლოდ ბავშვებზე, არამედ მასწავლებლების განვითარებაზეც. ჩემი კონფერენციის “დავეხმაროთ ერთმანეთს” მიზანია პედაგოგებს შორის მოხდეს კოლაბორაცია სწავლა-სწავლების პროცესის გაუმჯობესებისათვის.

მესტიაში ფესტივალი “გაზაფხულის ფერები ” ჩატარდა

21-მაისს, დაბა მესტიაში, სეტის მოედანზე ჩატარდა ახალგაზრდა შემოქმედთა ფესტივალი “გახაფხულის ფერები”.