26 მაისს, საქართველოს დამოუკიდებლობის დღესთან დაკავშირებით, ლენტეხის მუნიციპალიტეტის გამგეობის კულტურის სამსახურის ორგანიზებით (ხელმძღვანელი მარადი ლიპარტელიანი)  ჯ. მეშველიანის სახელობის კულტურის სახლში გაიმართა კონცერტი, რომელშიც მონაწილეობდნენ ჯ. მეშველიანის სახელობის კულტურის ცენტრი (დირექტორი-მაყვალა გაზდელიანი) და მასთან არსებული გ. გუგავას სახელობის ანსამბლი “ლაგუშედა” ( ლოტბარი ზურა ლიპარტელიანი), ლენტეხის მუნიციპალიტეტის კულტურის დაწესებულებათა გაერთიანებაში (ხელმძღვანელი-ბიქტორ გაზდელიანი) შემავალი ჯ. მეშველიანის სახელობის ანსამბლი “ლილე” (ხელმძღვანელი გულადი ლიპარტელიანი), მოსწავლე ახალგაზრდობის სახლი “ძიება+” ( ხელმძღვანელი ნინელი ონიანი), ჩოლურის თემის ანსამბლი “მიჟე ნარი” ( ხელმძღვანელი – ჯუმბერი მუკბანიანი) და ხელედის კულტურის სახლთან არსებული ქალთა ანსამბლი “ლამარია” (ხელმძღვანელი-ვასილ გვიჭიანი). სოლო სიმღერები შეასრულეს “ძიება + “-ის  პედაგოგმა იზა ჩაკვეტაძემ და აღსაზრდელებმა გიორგი მკერვალიშვილმა, ლუკა ტვილდიანმა, ბეთქილ გვიჭიანმა. სვანური და მთიულური ცეკვა შეასრულა “ძიება + “-თან არსებულმა ბავშვთა ანსამბლმა “სვანეთის შვილები“ (ქორეოგრაფი იური ბენდელიანი)

ღონისძიებას ესწრებოდა ლენტეხის მუნიციპალიტეტის გამგებელი ბატონი ამირან ჯამბურიძე, რომელმაც დამსწრე საზოგადოებას საქართველოს დამოუკიდებლობის დღე მიულოცა და ერთიან, ძლიერ და გაბრწყინებულ საქართველოში ცხოვრება უსურვა.

კულტურის სახლის 1 სართულზე ლენტეხის სამხატვრო სკოლამ (დირექტორი-თამილა ლიპარტელიანი) გამოფინა სამხატვრო სკოლის მოსწავლეთა 200-მდე ნამუშევარი. ყველას აქვს შესაძლებლობა 1 კვირის განმავლობაში დაათვალიეროს ეს გამოფენა. წარმოდგენილი ნახატები შესრულებულია აკვარელით, ზეთითა და გუაშით თავისუფალ თემაზე (გრაფიკა და ფერწერა).

 

 

 

 

გვანცა ქურასბედიანი,
მირანგულა მუკბანიანი.