Category Archives: ქველმოქმედება

ნათია ლიპარტელიანის დასახმარებლად ლენტეხში საქველმოქმედო კონცერტი და გამოფენა-გაყიდვა გაიმართება

18 დეკემბერს, 15:30 სთ-ზე, დაბა ლენტეხის კულტურის სახლში. ცაგერისა და  ლენტეხის მიტროპოლიტის სტეფანეს (კალაიჯიშვილი) ლოცვა-კურთხევით, მე-2 საჯარო სკოლის (წმინდა გიორგი მთაწმინდელის სახელობის გიმნაზიის) ორგანიზებით, ჯ. მეშველიანის სახელობის კულტურის ცენტრის და საგანმანათლებლო რესურს-ცენტრის მხარდაჭერით გაიმართება შემოწირული წიგნების და ხელნაკეთი ნივთების გამოფენა-გაყიდვა, ხოლო 16:00 საათზე – კონცერტი, რომელზეც მაყურებლის წინაშე წარსდგებიან ლენტეხის მგალობელთა გუნდი, მე-2 საჯარო სკოლის მოსწავლეთა ცეკვისა და სიმღერის ანსამბლი და ხოფურის საჯარო სკოლის მოსწავლეები. 

მუწდის მთავარანგელოზთა სახელობის ტაძარში ახალი კანკელი დაიდგა

28 აგვისტოს, ღვთისმშობლის მიძინების დღეს, სოფ. მუწდის მთავარანგელოზთა სახელობის ტაძარში დაიდგა ახალი კანკელი, რომელსაც ანდრო მუკბანიანი დაახლოებით 5 თვე კვეთდა ხეზე. კანკელის გამოცვლა მთლიანად დააფინანსა წარმოშობით მუწდელმა ნაირა ხაბულიანმა.

ზაგაროს უღელტეხილზე, 2700 მეტრზე ახალი ტაძარი იკურთხა

28 აგვისტოს, მარიამობის ბრწყინვალე დღესასწაულზე, სოფელ უშგულთან, ზაგაროს უღელტეხილზე, ზღვის დონიდან 2700 მეტრზე, იკურთხა წმინდა ცამეტი ასურელი მამის სახელობის ახლადაშენებული ტაძარი. ტაძრის ქტიტორი გახლავთ სვანეთის მკვიდრი, თბილისში მცხოვრები ირაკლი გურჩიანი.

მესტიაში საქველმოქმედო კონცერტი გაიმართა

22-ივნისს მესტიისა და ზემო სვანეთის მიტროპოლიტის ილარიონის ლოცვა კურთხევით, მესტიას ეწვიენ თბილისის ზაქარია ფალიაშვილის სახელობის ოპერისა და ბალეტის სახელმწიფო თეატრის სოლისტები: თამაზ საგინაძე (ტენორი), ნინო ჩაჩუა (სოპრანო), ირინა ალექსიძე (მეცო სოპრანო), ვახტანგ ჯაშიაშვილი (ბარიტონი), ნუცა ზაქაიძე (მეცო სოპრანო), ნონა ბერაძე (სოპრანო), ნანა ბერაძე (მეცო სოპრანო), ასევე მომღერლები მიხეილ ყავლაშვილინინო ბაშარული და ახალგაზრდული სიმებიანი კვარტეტი “ვირტუოზი”.

ილია…

ილია გირგვლიანი, ეს სახელი და გვარი  svanetiinfo.ge-ს მკითხველისათვის ცნობილია, ერთ-ერთ ნიუსში ვითხოვდით ილია გირგვლიანის დახმარებას, ანგარიშის ნომერიც გამოვაქვეყნეთ. ილიას ელექტრო ეტლი სჭირდებოდა, ეს მისი ოცნება იყო, რათა დამოუკიდებლად შესძლებოდა გარე  სამყაროსთან ურთიერთობა, ილიას ეს ოცნება ჩვენი სოფლის, ლატალის მოძღვარმა მამა ეგნატემ აუსრულა – ელექტრო ეტლი შეუძინა, როგორი გახარებული იყო… მადლობა უფალს უსიხარულო ილია ერთი სიხარულით მაინც წავიდა ამ ქვეყნიდან.

ლენტეხის მუნიციპალიტეტის გამგებელმა მრავალშვილიან დედებს 8 მარტი მიულოცა

2017 წლის 8 მარტს ლენტეხის მუნიციპალიტეტის გამგებელმა ამირან ჯამბურიძემ ქალთა საერთაშორისო დღე მიულოცა დაბა ლენტეხში მცხოვრებ მრავალშვილიან დედებს (ვისაც ხუთი და მეტი შვილი ჰყავთ).

20 წლის ილია გირგვლიანი ელექტრო ეტლზე ოცნებობს

16808470_1190858367698416_179099075_n

ეს 20-წლის ილია გირგვლიანია, ზემო სვანეთის სოფელი ლატალიდან. ის დაბადებიდან კუნთოვანი დისტროფიით არის დაავადებული და არ შეუძლია სხვისი დახმარების გარეშე თუნდაც ეტლით გადაადგილდეს.

ალილოს მსვლელობა ლატალში

7-იანვარს ქრისტეშობის ბრწყინვალე დღესასწაულის ღამისთევის წირვის შემდეგ ლატალის მაცხოვრის ამაღლების სახელობის ტაძრის სქიმ-არქიმანდრიტი ეგნატეს (კურტანიძე) კურთხევით მოეწყო ალილოს მსვლელობა.

ქველმოქმედმა სამრევლო სკოლას საკუთარი ბიბლიოთეკა უსახსოვრა

ლატალის მკვიდრმა 15 დეკემბერს ლატალის თამარ მეფის სამრევლო სკოლას საკუთარი ბიბლიოთეკიდან წიგნები უსახსოვრა. ჩვენი თანამემამულე თბილისში ცხოვრობს. მან ამ ეტაპზე ინკოგნიტოდ დარჩენა ისურვა. როგორც თავად ამბობს, წინ კიდევ ბევრი საინტერესო იდეა აქვს განსახორციელებელი. ორმაგად დასაფასებელია ის ფაქტი, რომ მიუხედავად მკაცრი ზამთრისა, ქველმოქმედმა მოახერხა და ამ რთულ პირობებში თავად ჩამოიტანა წიგნები და გადასცა სამრევლო სკოლას. აღსანიშნავია, რომ ლიტერატურა საეკლესიო თემატიკაზეა.  მისი სურვილია, მოზარდები, გარკვეულწილად, მოწყდნენ ინტერნეტსივრცის იმ ველს, საიდანაც მხოლოდ ნეგატიურ და მოზარდებისთვის არასასურველ ინფორმაციას იღებენ. ამ იდეის განსახორციელებას კვლავ აპირებს მსგავსი აქციებით. ქველმოქმედს სურს, საკუთარი სოფლის მოზარდი თაობის სულიერ და მორალურ ფორმირებაში თვისი წვლილი შეიტანოს. “svanetiinfo”  წარმატებებს უსურვებს მას და მადლიერებას გამოხატავს კეთილგონივრული იდეის წამოწყებისთვის.

15570980_1133495233434730_1524712671_n

მადონა წერედიანი, მესტია

საქველმოქმედო აქცია ლატალში

25 ნოემბერს ლატალის კულტურის სახლში ლატალის საჯარო სკოლის კურსდამთავრებულ ოთარ ფირცხელანის დასახმარებლად საქველმოქმედო ღონისძიება ჩატარდა. ნოდარ დუმბაძის უკვდავი ნაწარმოები “კუკარაჩა”  სცენაზე ლატალის საჯარო სკოლის მოსწავლეებმა გააცოცხლეს. ღონისძიება ლატალის საჯარო სკოლის დირექტორის ციოყ წერედიანისა და პედკოლექტივის ორგანიზებით ჩატარდა. დამდგმელი რეჟისორი მალხაზ გაბადაძე გახლდათ, ფინანსური მხარდამჭერი – “რეგიონალური განვითარების ფონდი”. სპექტაკლმა დიდი მოწონება დაიმსახურა.