Category Archives: ჯანმრთელობა

ლენტეხში საავადმყოფოს თანამშრომლების ნაწილი გაიფიცა

დღეს, 3 ივნისს, 10 სთ-დან დაახლოებით 12 სთ-მდე, დაბა ლენტეხში  საავადმყოფოს თანამშრომლების ნაწილი გაიფიცა. გაფიცვის მიზეზი ბოლო 3 თვის აუღებელი ხელფასი იყო.

სკოლის ეზოში ელექტროგადამცემი ბოძები ერთმანეთზეა “მიყუდებული”

ქვემო სვანეთის სოფ. თეკალში მდებარე ჩოლურის საჯარო სკოლის ეზოში საოცარ სანახაობას ნახავთ: ელ. სადენების დამჭერი ძველისძველი ბოძები ერთმანეთს არიან მიყრდნობილი ურთიერთგასამაგრებლად. ენერგო-ინფრასტრუქტურის ეს “თანამედროვე” ნაგებობა 2017 წელს შექმნეს ჩვენმა ენერგეტიკოსებმა, მას შემდეგ რაც  ჩოლურის თემში, მდინარე ცხენისწყლისა და მდინარე მუხრას შესართავთან მდებარე მაღალი ძაბვის სადენების გადამცემ ბოძს მათივე უყურადღებობის გამო ადიდებულმა მდინარე მუხრამ მიწა გამოაცალა, რის შედეგადაც  ჩოლურის თემის 10-მდე სოფელს ელექტროენერგია რამდენიმე დღე არ მიეწოდებოდა.

ნათია ლიპარტელიანის დასახმარებლად ლენტეხში საქველმოქმედო კონცერტი და გამოფენა-გაყიდვა გაიმართება

18 დეკემბერს, 15:30 სთ-ზე, დაბა ლენტეხის კულტურის სახლში. ცაგერისა და  ლენტეხის მიტროპოლიტის სტეფანეს (კალაიჯიშვილი) ლოცვა-კურთხევით, მე-2 საჯარო სკოლის (წმინდა გიორგი მთაწმინდელის სახელობის გიმნაზიის) ორგანიზებით, ჯ. მეშველიანის სახელობის კულტურის ცენტრის და საგანმანათლებლო რესურს-ცენტრის მხარდაჭერით გაიმართება შემოწირული წიგნების და ხელნაკეთი ნივთების გამოფენა-გაყიდვა, ხოლო 16:00 საათზე – კონცერტი, რომელზეც მაყურებლის წინაშე წარსდგებიან ლენტეხის მგალობელთა გუნდი, მე-2 საჯარო სკოლის მოსწავლეთა ცეკვისა და სიმღერის ანსამბლი და ხოფურის საჯარო სკოლის მოსწავლეები. 

14 დეკემბერს თბილისში საპროტესტო აქციაა დაგეგმილი

სვანეთში დიდი ჰესების აქტიურმა მოწინააღმდეგემ, ხელოვნებათმცოდნემ მანანა საღლიანმა სოციალურ ქსელში გაავრცელა მიმართვა, რომელსაც უცვლელად გთავაზობთ:

“ყველას!!! ყველას!!! ყველას!!!

2018 წლის, 14 დეკემბერს, პარასკევს, 11 სთ-ზე,
ქ. თბილისში, გრიბოედოვის ქ. 31″ა”
ევროპის რეკონსტრუქციისა და განვითარების ბანკ (EBRD) -ის
ოფისის წინ, სვანეთის (ლენტეხის და მესტიის) მოსახლეობის წარმომადგენლების მონაწილეობით ჩატარდება საპროტესტო აქცია.

სოფ. თეკალში C-ჰეპატიტის უფასო გამოკვლევა ჩატარდა

25 ივლისს ლენტეხის მუნიციპალიტეტის სოფელ თეკალში ჩატარდა C ჰეპატიტის უფასო გამოკვლევა-სკრინინგი.  მსურველებს შეეძლოთ აეღოთ სისხლის ანალიზი და 15 წუთის შემდეგ გაეგოთ ანალიზის პასუხები. 30 გამოკვლეული ადამიანიდან არცერთს არ აღმოაჩნდა ეს დაავადება.

თბილისელი ექიმები მესტიის მოსახლეობას უფასოდ მოემსახურენ

22-23 ივნისს, მესტიისა და ზემო სვანეთის მიტროპოლიტის ილარიონის (ქიტიაშვილი) ლოცვა–კურთხევით და მესტიის მუნიციპალიტეტის გამგეობის მხარდაჭერით მესტიის საავადმყოფოს ეწვიენ თბილისის სპორტული მედიცინისა და რეაბილიტაციის ცენტრ “არენა“-ს ექიმები.

ჩოლურის საჯარო სკოლის მოსწავლეებმა მშობლიურ სკოლაში წყალი შეიყვანეს

ლენტეხის მუნიციპალიტეტის ჩოლურის საჯარო სკოლაში არსებული მოსწავლეთა სამოქალაქო კლუბის “რტო“-ს წევრებმა 2016-2017 სასწავლო წელს განახორციელეს პროექტი სახელწოდებით “სკოლა ჩვენი სიამაყეა”, რომლის მიზანი იყო ჩოლურის საჯარო სკოლას ჰქონოდა მუდმივი სასმელი წყალი.

მესტიაში მოსწავლეებისთვის ფსიქოაქტიური ნივთიერებების ავადმოხმარების შესახებ კონკურსი ჩატარდა

10-ივნისს, მესტიის II საჯარო სკოლაში მიგრაციის საერთაშორისო ორგანიზაციის საქართველოს მისიის წარმომადგენლებმა ფსიქოაქტიური ნივთიერებების ავადმოხმარების პირველად პრევენციაზე მიმართული კონკურსი ჩაატარეს მე-8 და მე-9 კლასის მოსწავლეებისათვის. კონკურსში I ადგილზე გავიდა VIII კლასის მოსწავლე ნინო კახბერიძე, რომელმაც შესაბამის თემატიკაზე ლექსი დაწერა და რეპის სახით წარმოადგინა.

წითელი ჯვრის საზოგადოებამ ლენტეხში ტრენინგი და სიმულაციური ვარჯიში ჩაატარა

20 აპრილს საქართველოს წითელი ჯვრის საზოგადოებამ ლენტეხის #2 საჯარო სკოლის ეზოში ჩაატარა სიმულაციური ვარჯიშები მოსწავლეებისათვის,რომელიც შეეხებოდა სტიქიური უბედურების დროს (მაგ. მიწისძვრის დროს) დაშავებულისთვის პირველადი დახმარების გაწევას.

წითელი ჯვრის საზოგადოებამ ლენტეხში ტრენინგი ჩაატარა

მიმდინარე წლის 23 თებერვალს დაბა ლენტეხში, გამგეობის შენობის საკონფერენციო დარბაზში, საქართველოს წითელი ჯვრის საზოგადოებამ ჩაატარა საგანგებო სიტუაციებისას საოჯახო გეგმის შედგენის ტრენინგი.