ოლენა ვინსენტი ყირიმის ნახევარკუნძულზე, სიმფეროპოლში დაიბადა. რამდენიმე წელში საცხოვრებლად ხერსონის მოსაზღვრედ, ყირიმის ერთ-ერთ ქალაქ კრასნოპერეკოპსკში გადავიდა. 2014 წელს, მას შემდეგ, რაც მისი სახლი ანექსიის შედეგად რუსეთის მხარეს აღმოჩნდა, ლვოვში მოუწია გადასვლა Continue reading “საქართველოში ისეთი შეგრძნება გვქონდა, როგორც სახლში” — უკრაინელი აქტივისტის ახალი ცხოვრება ბათუმში →

თეა ადიკაშვილსა და დარეჯან ცირამუას თბილისიდან 28 კილომეტრში, ნატახტარში შევხვდით, ისინი აქ ფუდ ალიანსის საწარმოში მუშაობენ. თეა სოფელ ხურვალეთის მკვიდრია, დარეჯანი — იძულებით გადაადგილებული პირი. ის 2008 წლის 6 აგვისტოს პატარა ლიახვის ხეობიდან, სოფელი ქსუისიდან ერთი თვის ბავშვთან ერთად ომს გამოექცა და მას შემდეგ, ოჯახთან ერთად ხურვალეთის დევნილთა დასახლებაში ცხოვრობს.

2017 წელს svanetiinfo.ge-ზე გაშუქდა ახაგაზრდა ემიგრანტი მხატვრის სალომე ქურასბედიანის წარმატება იტალიაში გამართულ კონკურსში. ის მაშინ საუკეთესო მხატვართა ათეულში მოხვდა. კონკურსში გამარჯვებული 13 მხატვრის ნამუშევრები და ბიოგრაფიები გამოქვეყნდა სპეციალურად მათთვის გამოცემულ წიგნში “ხელოვნება და თანამედროვე ხელოვანები” (“Arte e artisti contemporanei”).
დავინტერესდით, რა შეიცვალა მას შემდეგ სალომეს ცხოვრებაში:
Continue reading “ყველაზე დიდი ოცნება –  საქართველოში დაბრუნება და ჩემი შვილის საკუთარ მიწაზე, ქართულად აღზრდაა.” – ემიგრანტი მხატვარი სალომე ქურასბედიანი →

შალვა ძოწენიძე 1994 წლიდან აშშ-ში ცხოვრობს, თუმცა საქართველო არ დავიწყებია. ის ბიზნესმენია და კალიფორნიაში რესტორნებს ფლობს. ქართული რესტორანი “თამარი” Covid- პანდემიამდე ცოტა ხნით ადრე აამოქმედა. მასთან ხანმოკლე ინტერვიუების ჩაწერა 2018 წელს მოვახერხე. ეს ვიდეოები რამდენიმე წუთიანია, მაგრამ უამრავ პრობლემას თუ გადაჭრის გზას იტევს: Continue reading ემიგრანტი ბიზნესმენის მიმართვა ქართველებისადმი →

სსიპ დევნილთა, ეკომიგრანტთა და საარსებო წყაროებით უზრუნველყოფის სააგენტომ „ეკონომიკური აგენტის მხარდაჭერის პროგრამის“ ფარგლებში  განაცხადების მიღება დაიწყო. პროგრამის მიზანს დევნილთა და ეკომიგრანტთა სამეწარმეო საქმიანობის ხელშეწყობა და ახალი სამუშაო ადგილების შექმნა წარმოადგენს.

20 ნოემბერს მესტიისა და ზემო სვანეთის მიტროპოლიტი ილარიონი (ქიტიაშვილი) და ამავე ეპარქიის, სოფელ ლატალის მოძღვარი სქიმარქიმანდრიტი ეგნატე (კურტანიძე) მრევლთან ერთად იტალიაში სიწმინდეების მოსალოცად გაემგზავრენ. მომლოცველების შთაბეჭდილებების გაზიარება  “svanetiinfo.ge”-ს მკითხველს შეუძლია სტატიაში – “მომლოცველთა ჯგუფი იტალიაში და წირვა წმინდა ნიკოლოზის საფლავთან” . “svanetiinfo.ge” იტალიაში მცხოვრები ჩვენი თანამემამულეების ცხოვრებით დაინტერესდა და გაესაუბრა მათ.

Continue reading ქართველი ემიგრანტების ცხოვრება იტალიაში →