18 დეკემბერს ქუთაისის საოპერო თეატრის სცენაზე ქუთაისის სასკოლო თეატრალური ფესტივალი ჩატარდა. ღონისძიებაში მონაწილეობა მიიღეს ლატალის საჯარო სკოლის მოსწავლეებმა, რომლებმაც ფესტივალზე ნოდარ დუმბაძის ,,კუკარაჩა” წარმოადგინეს.  სპექტაკლმა დამსწრე საზოგადოების დიდი მოწონება დაიმსახურა. სკოლის დირექტორი ციოყ წერედიანი მადლობას უხდის ,,რეგიონალური განვითარების ფონდს,” რომლის მხარდაჭერითაც მოხერხდა მოსწავლეების ამ მეტად საპატიო და საპასუხისმგებლო ფესტივალზე წარდგენა. ამავე ფონდის მხარდაჭერით ფესტივალზე მონაწილეობა მიიღეს ასევე ლენტეხის სოფელ ხელედისა და თერჯოლის სოფელ ზევრის საჯარო სკოლის მოსწავლეებმა.

მადონა წერედიანი, მესტია

ლატალის მკვიდრმა 15 დეკემბერს ლატალის თამარ მეფის სამრევლო სკოლას საკუთარი ბიბლიოთეკიდან წიგნები უსახსოვრა. ჩვენი თანამემამულე თბილისში ცხოვრობს. მან ამ ეტაპზე ინკოგნიტოდ დარჩენა ისურვა. როგორც თავად ამბობს, წინ კიდევ ბევრი საინტერესო იდეა აქვს განსახორციელებელი. ორმაგად დასაფასებელია ის ფაქტი, რომ მიუხედავად მკაცრი ზამთრისა, ქველმოქმედმა მოახერხა და ამ რთულ პირობებში თავად ჩამოიტანა წიგნები და გადასცა სამრევლო სკოლას. აღსანიშნავია, რომ ლიტერატურა საეკლესიო თემატიკაზეა.  მისი სურვილია, მოზარდები, გარკვეულწილად, მოწყდნენ ინტერნეტსივრცის იმ ველს, საიდანაც მხოლოდ ნეგატიურ და მოზარდებისთვის არასასურველ ინფორმაციას იღებენ. ამ იდეის განსახორციელებას კვლავ აპირებს მსგავსი აქციებით. ქველმოქმედს სურს, საკუთარი სოფლის მოზარდი თაობის სულიერ და მორალურ ფორმირებაში თვისი წვლილი შეიტანოს. “svanetiinfo”  წარმატებებს უსურვებს მას და მადლიერებას გამოხატავს კეთილგონივრული იდეის წამოწყებისთვის.

მადონა წერედიანი, მესტია

ჩვენი დღევანდელი რესპოდენტები არიან სოფიო მეგრელიძე და ბექა გელოვანი, ახალგაზრდა წყვილი, რომელთაც სვანეთში მუდმივად დასახლების სურვილი აქვთ… დიდი მიგრაციის პირობებში სვანეთზე შეყვარებული ახალგაზრდა წყვილის ისტორია იმდენად საინტერესოა, ჩავთვალეთ, რომ მკითხველისთვისაც გაგვეზიარებინა მათი ცხოვრების შესახებ ინფორმაცია. ბექა და სოფიო 6 თვის წინ შეუღლდნენ და სვანეთში დამკვიდრების მსურველებს, ამ კუთხის განვითარების დიდი იმედები და თავისებური ხედვაც აქვთ.

Continue reading “იცხოვრებდი სვანეთში მუდმივად?..” →

ზემო სვანეთში 10 დეკემბერს  სამთო-სათხილამურო საკურორტო სეზონი ოფიციალურად გაიხსნა. ღონისძიება სიმბოლურად  ჰაწვალი_ზერულდის სათხილამურო ტრასის გახსნით აღინიშნა. 2 ათეული წლის მანძილზე პირველი  შემთხვევაა, როდესაც ასე ადრიანად გაიხსნა სეზონი. შესაბამისად, მოლოდინიც დიდია, ვინაიდან 5 სათხილამური ტრასა ერთიანად ამოქმედდა, რომელიც ევროპული სტანდარტების შესაბამისად არის მოწყობილი და ნებისმიერი დონის დაინტერესებული პირის მოთხოვნებს დააკმაყოფილებს, ეს იქნება პროფესიონალი თუ მოყვარული მოთხილამურე.

Continue reading სვანეთში სამთო-სათხილამურო სეზონი ჰაწვალი_ზერულდის სათხილამურო ტრასით გაიხსნა →

ემიგრაცია – პოლიტიკური, ეკონომიკური ან პირადი მიზეზებით უცხო ქვეყანაში მცირე ხნით ან მუდმივად საცხოვრებლად წასვლა.

ეს არის განმარტება,  რომელიც ძალიან ზოგადია, მაგრამ სინამდვილეში ემიგრაციას ბევრნაირი განმარტება შეგვიძლია მოვუძებნოთ. არსებობს იძულებითი ემიგრაცია, რომელიც ყველაზე რთული და მძიმეა. უამრავი ემიგრანტი შვილი ჰყავს საქართველოს. მათი ზუსტი რაოდენობის დადგენა შეუძლებელია, მაგრამ იმის თქმა დანამდვილებით შემიძლია, რომ მათი რაოდენობა მხოლოდ იზრდება და,  ვინ იცის, როდის დაუდგება ჩვენს სამშობლოს ის სანატრელი დღე, როდესაც სამშობლოდან გადახვეწილი ქართველების რაოდენობა შემცირდება და არ გაიზრდება.

Continue reading ქართველი ემიგრანტის წერილი →

20 ნოემბერს მესტიისა და ზემო სვანეთის მიტროპოლიტი ილარიონი (ქიტიაშვილი) და ამავე ეპარქიის, სოფელ ლატალის მოძღვარი სქიმარქიმანდრიტი ეგნატე (კურტანიძე) მრევლთან ერთად იტალიაში სიწმინდეების მოსალოცად გაემგზავრენ. მომლოცველების შთაბეჭდილებების გაზიარება  “svanetiinfo.ge”-ს მკითხველს შეუძლია სტატიაში – “მომლოცველთა ჯგუფი იტალიაში და წირვა წმინდა ნიკოლოზის საფლავთან” . “svanetiinfo.ge” იტალიაში მცხოვრები ჩვენი თანამემამულეების ცხოვრებით დაინტერესდა და გაესაუბრა მათ.

Continue reading ქართველი ემიგრანტების ცხოვრება იტალიაში →

25 ნოემბერს ლატალის კულტურის სახლში ლატალის საჯარო სკოლის კურსდამთავრებულ ოთარ ფირცხელანის დასახმარებლად საქველმოქმედო ღონისძიება ჩატარდა. ნოდარ დუმბაძის უკვდავი ნაწარმოები “კუკარაჩა”  სცენაზე ლატალის საჯარო სკოლის მოსწავლეებმა გააცოცხლეს. ღონისძიება ლატალის საჯარო სკოლის დირექტორის ციოყ წერედიანისა და პედკოლექტივის ორგანიზებით ჩატარდა. დამდგმელი რეჟისორი მალხაზ გაბადაძე გახლდათ, ფინანსური მხარდამჭერი – “რეგიონალური განვითარების ფონდი”. სპექტაკლმა დიდი მოწონება დაიმსახურა.

Continue reading საქველმოქმედო აქცია ლატალში →

4 დეკემბერს გურჯაანის მუნიციპალიტეტში ჩატარდა რესპუბლიკური ტურნირი ძიუდოში. ასპარეზობაში საპრიზო ადგილები დაისაკუთრეს მესტიელმა მოსწავლე ახალგაზრდებმა. პირველი ადგილზე გავიდა სოფელ ლატალის მკვიდრი, მერვე კლასის მოსწავლე დავით გირგვლიანი, ხოლო მესამე ადგილი დაიკავა დაბა მესტიის წარმომადგენელმა თორნიკე ფალიანმა. გამარჯვებულები თასით, მედლებით, დიპლომებით და საჭიდაო ფორმებით (კიმონოებით) დაჯილდოვდნენ.

მადონა წერედიანი, მესტია

30 ნოემბერს საღამოს დაიწყო და თითქმის გადაუღებლად თოვს დაბა ლენტეხსა და უფრო მაღლა მდებარე სოფლებში. სოფელ სასაშში თოვლის საფარმა ნახევარ მეტრს მიაღწია. დაზიანდა დაბალი ძაბვის გადამცემი ხაზი, რის გამოც მოსახლეობას ელექტროენერგია შეფერხებით მიეწოდებოდა.
Continue reading დიდთოვლობა სვანეთში →

20 ნოემბერს, კავკასიის საერთაშორისო უნივერსიტეტში პროექტის – „მთას ვუბრუნდებით შვილები“ – ფარგლებში, ფინალური შეხვედრა გაიმართა. პროექტში “svanetiinfo”-ს კორესპონდენტი, ლენტეხელი მირანგულა მუკბანიანიც იღებდა მონაწილეობას. იგი კონკურსის ფინალურ ეტაპზე მონაწილეობისთვის დიპლომით დაჯილდოვდა.   “svanetiinfo” ულოცავს მირანგულა მუკბანიანს ამ წარმატებას და გთვაზობთ მის რეპორტაჟს უცვლელად. კონკურსანტმა ვიდეოსიუჟეტში მთის განვითარების საკუთარი ხედვა და მიგრაციის მიზეზები წარმოადგინა.

Continue reading მირანგულა მუკბანიანის სიუჟეტი – “მთას ვუბრუნდებით შვილები” →

ცენტრალური საარჩევნო კომისიის ინფორმაციით, 50 ოლქის ყველა უბნის მონაცემები, სადაც მეორე ტური გაიმართა,  დათვლილია.

ცსკ-ის თავმჯდომარის თამარ ჟვანიას განცხადებით, არჩევნებმა ჩაიარა მშვიდ გარემოში და ამომრჩევლებს მიეცათ საშუალება გამოეხატათ საკუთარი ნება.

ჟვანიას თქმით, არჩევნების პროცესში დაფიქსირდა ცალკეული შემთხვევები, თუმცა მთლიანობაში პროცესი განხორციელდა გამჭვირვალედ და ამომრჩევლებმა თავისუფალ გარემოში, შეფერხების გარეშე შეძლეს კენჭისყრაში მონაწილეობა.

ცსკ-ის მონაცემებით, ცნობილია 2229 საარჩევნო უბნის შედეგები:

Continue reading მეცხრე მოწვევის საპარლამეტო არჩევნების მეორე ტურის შედეგები →

30 სექტემბერს ლენტეხის მუნიციპალიტეტში წმინდა ბარბარესა და იესო ქრისტეს ხატი ჩამოაბრძანეს, რომელსაც თან მოჰყვა ჩოხატაურის მუნიციპალიტეტის  სოფელ საჭამიასერის წმინდა ბარბარეს ტაძრის 200 წმინდა ნაწილი საქართველოს სხვადასხვა ეპარქიიდან.

Continue reading წმინდა ბარბარესა და მაცხოვრის ხატი ლენტეხში →