კიდევ ერთი სასიამოვნო სიახლე ძიუდოს გულშემატკივრებს: სოციალურ ქსელ facebook-ზე შექმნილ ჯგუფ “We Love Judo” ტრადიციულად წლის საუკეტესო ძიუდოისტი დაასახელა. წელს ეს პატივი წილად ხვდა ლენტეხელ ძიუდოისტს გოგონათა შორის ეთერ ლიპარტელიანს. svanetiinfo ულოცავს მას ამ წარმატებას:
Continue reading ეთო ლიპარტელიანი – 2016 წლის საუკეთესო ქალი ძიუდოისტი
3 დეკემბერს უკრაინის ქალაქ ოდესაში საერთაშორისო სპორტული პრემიის “ოქროს მანგუსტი”-ს დაჯილდოების ცერემონიაზე ვარლამ (ვალერი) ლიპარტელიანი სპეციალური ორდენით – “ოქროს მანგუსტი” – დააჯილდოვეს.
Continue reading ვარლამ ლიპარტელიანი სპეციალური ორდენით -“ოქროს მანგუსტით” – დაჯილდოვდა
1 დეკემბერს ქალაქ ქუთაისში სამოქალაქო გაერთიანება სრულიად საქართველოს საზოგადოებრივი სადისკუსიო დარბაზი “ღირსება“დაფუძნდა. დარბაზის შექმნის ინიციატორი ლენტეხელი პოეტი ირმა ქურასბედიანი გახლდათ. “svanetiinfo.ge”-ზე გამოქვეყნებულ ინტერვიუში სწორედ ამ ინიციატივაზე საუბრობდა ლენტეხელი პოეტი. სტატიაში – “ქალის თვალით დანახული შექსპირი”, კითხვაზე – “რას უსურვებდით ახალგაზრდობას, თქვენს მკითხველს და საერთოდ ყველას?” პოეტი ამბობს: “ვუსურვებ ყველას, ეცხოვროს სიყვარულით და სიკეთის კეთებით, მოზარდებს ვუსურვებ, არ დაკარგონ მომავლის იმედი, რაც მთავარია, ჰქონდეთ ღირსება. სწორედ ამ ღირსების გამო მინდა დავაფუძნო “ღირსების დარბაზი”.
19 ნოემბერს თბილისში, ელენე ახვლედიანის სახელობის ბავშვთა სურათების გალერეაში “სტუდია N”-ის ორგანიზებით სახელოვნებო სკოლების გეგმიური გამოფენები ჩატარდა. ღონისძიებაში მონაწილეობდა ლენტეხის სამხატვრო სკოლაც. სვან მოსწავლეებთან ერთად წარმოდგენილი იყვნენ ახალციხის, სენაკის, სამტრედიის, ცაგერის, ხაშურისა და დუშეთის სახელოვნებო სკოლის აღსაზრდელები. ჟიურმა შეაფასა როგორც მოსწავლეების, ასევე პედაგოგების მუაშაობა. კონკურსში მონაწილეები 4-დან 13 წლამდე ასაკის მოზარდები იყვნენ. ყველა ლენტეხელი მოზარდი დიპლომით დაჯილდოვდა. ასევე დიპლომები გადასცეს პედაგოგებს – მთვარისა გაზდელიანს, რიტა მეიფარიანს, თამილა ლიპარტელიანსა და ლია ქურასბედიანს.
2017 წლის ივნისში ხუთი საუკეთესო ლენტეხელი მოსწავლე პედაგოგებთან ერთად ბაქოში არის მიწვეული. ქართველი და აზერბაიჯანელი მოსწავლეების დამეგობრების მიზნით კონკურსანტები იქვე, ბუნებაში დახატავენ, შექმნიან ახალ ნამუშევრებს, ხოლო შემდეგ ჩატარდება ძველი და ახალი ნამუშევრების ერთობლივი გამოფენა.
ნანი ბენდელიანი, ლენტეხი
22 ნოემბერს დღის 3 საათზე ლენტეხის კულტურის სახლში ხელედის საჯარო სკოლის მოსწავლეებმა წარმოადგინეს ლიტერატურული სპექტაკლი
“ლადო ასათიანის ხანმოკლე და ტრაგიკული ცხოვრების ამბავი”. სპექტაკლი დადგა ქუთაისის ლ. მესხიშვილის სახელობის დრამატული თეატრის რეჟისორმა ტატო პატარიძემ. სპექტაკლი გაიმართა “რეგიონალური განვითარების ფონდის” პროექტის ფარგლებში ორგანიზაციის “მაკლეინის ასოციაცია ბავშვებისთვის” (MAC) მხარდაჭერით. პროექტის ხელმძღვანელია რეზო ჩინჩალაძე.
Continue reading ხელედის სკოლის მოსწავლეებმა ლენტეხში სპექტაკლი წარმოადგინეს
ქვეყნის ყველაზე მასშტაბური ბიზნეს-კონკურსი “ბიზნესდაჯილდოება 2016″ 17 ნოემბერს დასრულდა. ნომინაციაში – „წლის ტურისტული ბიზნესი”- გამარჯვებული ლენტეხელი ზვიად ქურასბედიანის ოჯახური რესტორანი „ბარბარესთან” გახდა. ათშვილიანი წევრისგან შემდგარ ოჯახურ ბიზნესს უპრეცედენტოდ მაღალი, პოზიტიური და რეიტინგული შეფასებები მოჰყვა. “სვანეთიინფო.გე” ულოცავს ფინალისტს ამ მნიშვნელოვან გამარჯვებას!
Continue reading “წლის ტურისტული ბიზნესის” ფინალისტი რესტორანი “ბარბარესთან” გახდა
მიმდინარე წლის ივნისში, ლენტეხელ მეწარმეთა მოთხოვნით, მუნიციპალიტეტის გამგეობის შენობაში შემოსავლების სამსახურის წარმომადგენლებსა და ლენტეხელ მცირე მეწარმეებს შორის შეხვედრა გაიმართა. საუბარი კითხვა-პასუხის რეჟიმში გაიმართა. გამოიკვეთა ლენტეხელი მეწარმეებისთვის მნიშვნელოვანი პრობლემა – ლენტეხში არ არის შემოსავლების სამსახურის სერვის ცენტრი, შესაბამისად, მეწარმეებისთვის მომსახურების მიღება მიუწვდომელია. მოლაპარაკების შედეგად გადაწყდა, რომ პერიოდულად, რამდენიმე თვეში ერთხელ ლენტეხელი მეწარმეები მოზრავი სერვის-ცენტრით ისარგებლენებენ.
უკვე მეორედ, 8 ნოემბერს მეწარმეთათვის მომსახურების გასაწევად ლენტეხს შემოსავლების სამსახურის აღნიშნული მოძრავი სერვის-ცენტრი ექვია. მეწარმეებმა შეძლეს მაათთვის საჭირო მომსახურების მიღება, რის გამოც მადლიერებას გამოთქვამენ.
ნანი ბენდელიანი, ლენტეხი
მიმდინარე წლის 6 ნოემბერს ქ.თბილისში გაიმართა საქართველოს პირველობა ჭიდაობა სამბოში 2000-2001 წელს დაბადებულ ვაჟთა შორის, რომელშიც მონაწილეობა მიიღეს ლენტეხელმა სპორტსმენებმა.
Continue reading ავთო (ბაჩო) მუკბანიანი საქართველოს ჩემპიონი გახდა
ლენტეხელმა პოეტმა ირმა ქურასბედიანმა გაახარა მკითხველები და ახალი, რიგით მეათე წიგნი შესთავაზა, რომელიც რადიკალურად განსხვავებულია წინა გამოცემებისაგან.
svanetiinfo.ge ამ სიახლესთან დაკავშირებით სვან პოეტს გაესაუბრა. Continue reading ქალის თვალით დანახული შექსპირი – ირმა ქურასბედიანის მეათე კრებული
21 ოქტომბერს სპორტისა და ახალგაზრდობის საქმეთა სამინისტროში გაიმართა ბავშვთა და ახალგაზრდობის განვითარების ფონდის მიერ დაფინანსებული არასამთავრობო ორგანიზაცია „ლაჰილის“ შემაჯამებელი პრეზენტაცია პროექტის – „ტრადიცია და ტურიზმი – ქვემო სვანეთის ახალი სიცოცხლე“ ფარგლებში. სწორედ, ამ ორგანიზაციამ განახორციელა ლენტეხში სვანური ფოლკლორის ფესტივალი “სვანფესტი”, რომლის მიზანი იყო ლენტეხის რაიონში ტურიზმის განვითარების ხელშეწყობა და ქვემო სვანეთის, როგორც ტურისტული ზონის, ცნობადობის ამაღლება, ასევე უძველესი სვანური თამაშობების აღდგენა და პოპულარიზაცია; სვანური ფოლკლორული ფესტივალის ჩატარებისათვის ტრადიციული სახის მიცემა.
Continue reading “ლაჰილმა” სვანეთის თემაზე მიმდინარე პროექტები დაასრულა
საქართველოს ფოლკლორის ეროვნული ფესტივალზე გამოვლინდნენ გამარჯვებული ფოლკლორული ანსამბლები, ინდივიდუალური შემსრულებლები, ქორეოგრაფიული ანსამბლები, ზეპირსიტყვიერებისა და სახვითი და გამოყენებითი ხელოვნების ოსტატები. გამარჯვებულებს ფულადი ჯილდო და სიგელები გადაეცათ. ამ ფესტივალის ერთერთი გამარჯვებული ნაივურ ფერწერაში გახლავთ ქალბატონი მალვინა მუკბანიანი, რომელმაც მიიღო ლაურეატის წოდება, ჯილდოდ კი – 800 ლარი.
Continue reading მალვინა მუკბანიანმა ნაივურ ფერწერაში ლაურეატის წოდება მიიღო
17-19 ოქტომბერს ქვემო სვანეთის ახალგაზრდა ძიუდოისტებს 3 დღიანი მასტერკლასი ჩაუტარა ოლიმპიადის ვერცხლის პრიზიორმა, მსოფლიოს ვიცეჩემპიონმა და ორგზის ბრინჯაოს პრიზიორმა, ევროპის სამგზის ჩემპიონმა, საქართველოს ძიუდოისტთა ნაკრების კაპიტანმა ვარლამ (ვალერი) ლიპარტელიანმა.
Continue reading ვარლამ ლიპარტელიანმა ლენტეხში 3 დღიანი მასტერკლასი დაასრულა
