მესტიაში მოსწავლეებისთვის ფსიქოაქტიური ნივთიერებების ავადმოხმარების შესახებ კონკურსი ჩატარდა

10-ივნისს, მესტიის II საჯარო სკოლაში მიგრაციის საერთაშორისო ორგანიზაციის საქართველოს მისიის წარმომადგენლებმა ფსიქოაქტიური ნივთიერებების ავადმოხმარების პირველად პრევენციაზე მიმართული კონკურსი ჩაატარეს მე-8 და მე-9 კლასის მოსწავლეებისათვის. კონკურსში I ადგილზე გავიდა VIII კლასის მოსწავლე ნინო კახბერიძე, რომელმაც შესაბამის თემატიკაზე ლექსი დაწერა და რეპის სახით წარმოადგინა. ის ნოუთბუქით დაჯილდოვდა, II ადგილზე გავიდა გერასიმე ფირცხელანი, III ადგილზე ქრისტინე გვარლიანი, ხოლო IV ადგილი დაიკავა ელენე გვარლიანმა.

აღნიშნული კონკურში ჩატარდა საინფორმაციო კამპანიის “ცხოვრება უკეთესია” ფარგლებში სახელმწიფო ანტინარკოტიკული და სამართალდაცვითი პროგრამების საერთაშორისო ბიუროს და ა.შ.შ.-ს საელჩოს მხარდაჭერით, განათლებისა და მეცნიერების სამინისტროსთან და სპორტისა და ახალგაზრდობის სამინისტროსთან თანამშრომლობით. როგორც ჩვენთან საუბარში მესტიის № 2 საჯარო სკოლის დირექტორმა ნატო გვარლიანმა განაცხადა, ეს სკოლა სამეგრელოსა და ზემო სვანეთის მხარეში შემთხვევითობის პრინციპით იქნა შერჩეული.

მოზარდებმა დამსწრე საზოგადოებას წარმოუდგინეს კონკურსის ფარგლებში შემუშავებული შემოქმედებითი ნამუშევრები შესაბამის თემატიკაზე. კამპანიის ფარგლებში მოსწავლეებს დაურიგეს საინფორმაციო ბროშურები, რომლებშიც აღწერილია ფსიქოაქტიური ნივთიერების ავადმოხმარების რისკები და საფრთხეები. დასასრულს, სკოლის სტადიონზე გაიმართა სხვადასხვა სპორტული თამაშები.

მარცხნიდან სკოლის დირექტორი, ნინო კახბერიძე

19075155_1305424299575155_211759528_n

19125243_1305668802884038_1671129305_o

19141857_1305424279575157_511456234_n

19179408_1305668832884035_971190462_o

 

19113458_1305424309575154_599568643_n

მადონა წერედიანი, დაბა მესტია.