2017 წლის 8 მარტს ლენტეხის მუნიციპალიტეტის გამგებელმა ამირან ჯამბურიძემ ქალთა საერთაშორისო დღე მიულოცა დაბა ლენტეხში მცხოვრებ მრავალშვილიან დედებს (ვისაც ხუთი და მეტი შვილი ჰყავთ).
ასეთი ქალბატონები ექვსნი აღმოჩნდნენ: მარეხი ბენდელიანი, ჟინვერი ხორგვანი, ჯენარო ონიანი, ინგა ონიანი, ბელა ტვილდიანი და სვეტლანა ლიპარტელიანი. მათ გამგებელმა პირადად გადასცა სიმბოლური საჩუქრები (ყვავილები, შამპანური, ტკბილეული). გამგებლის მეუღლემ, ქალბატონმა ქეთევან ფირცხელანი-ჯამბურიძემ განსაკუთრებული ყურადღება გამოიჩინა სოფ. ბაბილში მცხოვრები, სოციალურ ზღვარს ქვემოთ მყოფი ჟინვერი ხორგვანის მიმართ და თავისი ხარჯით გაუგზავნა მის ოჯახს კონსერვები, კარტოფილი, ლობიო, მაკარონი და ტკბილეული ბავშვებისათვის.
გვანცა ქურასბედიანი, დაბა ლენტეხი.