ეთერ ლიპარტელიანმა ევროპის თასის ტურნირზე ბრინჯაოს მედალი მოიპოვა

19 მაისს, ესპანეთის ქალაქ მალაგაში გამართულ ევროპის თასის ტურნირზე ახალგაზრდა ძიუდოისტებს შორის ეთერ ლიპარტელიანმა ბრინჯაოს მედალი მოიპოვა 57კგ. წონით კატეგორიაში. საქართველოდან შესანიშნავად იასპარეზა მარიამ ჭანტურიამ, რომელმაც ოქროს მედალი მოიგო 70კგ-მდე წონით კატეგორიაში.

ეთერ ლიპარტელიანი ამჟამად ევროპის თამაშებზე საასპარეზოდ ემზადება, რომელიც 22-25 ივნისს გაიმართება ბელორუსის დედაქალაქ მინსკში. აღსანიშნავია, რომ ეთერ ლიპარტელიანი ერთადერთი ქალი ძიუდოისტი იქნება საქართველოს ნაკრებში, რომელიც ევროპის თამაშებზე  იასპარეზებს.
ევროპის თამაშებზე იჭიდავებენ ასევე ვარლამ ლიპარტელიანი (-100კგ.) და ლუხუმ ჩხვიმიანი (-60კგ). საქართველოს ნაკრების შემადგენლობა ევროპის თამაშებზე ასე გამოიყურება:

-60კგ – ამირან პაპინაშვილი, ლუხუმ ჩხვიმიანი
-66კგ – ვაჟა მარგველაშვილი, ბაგრატ ნინიაშვილი
-73კგ – ლაშა შავდათუაშვილი
-81კგ – ლუკა მაისურაძე
-90კგ – ბექა ღვინიაშვილი
-100კგ – ვარლამ ლიპარტელიანი
+100კგ – გურამ თუშიშვილი
-57კგ – ეთერ ლიპარტელიანი.

გვანცა ქურასბედიანი.