ლატფარობა წელს 7 აგვისტოს აღინიშნება

7 აგვისტოს, სვანეთში, ლატფარის უღელტეხილზე აღმართული წმ. ლუკა მახარებლის სახელობის ტაძრის დღესასწაული და სახალხო ზეიმი ლატფარობა აღინიშნება. ამ დღესასწაულის აღნიშვნა ყოველწლიურად მარიამობის მარხვის წინა შაბათს ხდება. ზეიმი ტაძრის მშენებლობის დასრულებიდან, 2018 წლიდან ტარდება.

ლატფარი ერთერთია იმ ულამაზეს უღელტეხილებს შორის, რომლებიც ქვემო და ზემო სვანეთს აკავშირებენ. ის ზღვის დონიდან 3 000 მეტრზე მდებარეობს.

დღესასწაულის აღნიშვნა ტრადიციულად წმ. ლუკა მახარებლის სახელობის ტაძარში წირვით დაიწყება (9 სთ-ზე).
მომლოცველები ზეიმზე მთელი საქართველოდან მოდიან. ტაძარი 2014-18 წწ-ში აშენდა, მაშინ ცაგერისა და ლენტეხის, ახლა კი ჭყონდიდის, ცაგერისა და ლენტეხის მიტროპოლიტის სტეფანეს (კალაიჯიშვილი) ლოცვა-კურთხევით და სოფ. მამის მკვიდრის მარადი ჯამბურიძისა და მისი ოჯახის ძალისხმევითა და შრომით. მიტროპოლიტი სტეფანეს ვიზიტს ლატფარობაზე წელსაც ელოდებიან.

მომლოცველების ტრანსპორტირება აუცილებელია 2-ხიდიანი და სიჩქარის გამანაწილებლის (ე.წ. “რაზადკის” разадка) მქონე ავტომანქანებით ციცაბო დაღმართების გამო. სხვა ტრანსპორტით მოძრაობა ამ გზაზე უდიდესი საფრთხის შემცველია სიცოცხლისათვის.

მიტროპოლიტი სტეფანე ტაძრის მშენებლობის ადგილის კურთხევის შემდეგ, 2014წ.