ქვემო სვანეთში ელ. ენერგიის მიწოდება შეფერხდება

ქვემო სვანეთში ელ. ენერგიის მიწოდება შეფერხდება

25 ნოემბერს 11:00-დან 17:00 საათამდე ელექტროენერგიის მიწოდება შეეზღუდება ლენტეხის მუნიციპალიტეტში სს „ენერგო-პრო ჯორჯია”-ს აბონენტების ნაწილს. შეზღუდვა იმოქმედებს დაბა ლენტეხზე და ლენტეხის მუნიციპალიტეტის იმ სოფლებზე, რომელნიც ჟახუნდერის ქვესადგურზე არ არიან ჩართული. More »

გარდაიცვალა არქიმანდრიტი ანტონი (ბურდილაძე)

გარდაიცვალა არქიმანდრიტი ანტონი (ბურდილაძე)

არქიმანდრიტი ანტონი (ბურდილაძე) დაიბადა 1949 წელს. 1985 წლიდან ცხოვრობდა ბეთანიის მონასტერში, 1989 წელს აღიკვეცა ბერად ამავე მონასტერში. 1991 წელს შიო-მღვიმის მონასტერში აკურთხეს ბერ-დიაკვნად. ამავე წელს მეუფე დავითმა ალავერდელმა აკურთხა მღვდელ-მონაზვნად. More »

გაგას თასი ისევ ჩიხარეშის გუნდმა მოიგო

გაგას თასი ისევ ჩიხარეშის გუნდმა მოიგო

24 ოქტომბერს, სოფ. ხოფურის საჯარო სკოლის სტადიონზე ჩატარდა ამავე სოფლის მკვიდრის გაგა ქარდავას ხსოვნისადმი მიძღვნილი შეჯიბრი ფრენბურთში და გათამაშდა გაგას სახელობის გარდამავალი თასი, რომელიც ოჯახმა ორი წლის წინ დააწესა. More »

ეთერ ლიპარტელიანი – პირველი ქართველი მსოფლიოს ჩემპიონია ძიუდოში ქალთა შორის

ეთერ ლიპარტელიანი – პირველი ქართველი მსოფლიოს ჩემპიონია ძიუდოში ქალთა შორის

გუშინ, 17 ოქტომბერს,  მაროკოში მიმდინარე მსოფლიოს ახალგაზრდულ ჩემპიონატზე ძიუდოში ეთერ ლიპარტელიანი მსოფლიოს ჩემპიონი გახდა 57 კგ-მდე წონითი კატეგორიაში. ჯერ კიდევ არ გვქონდა განელებული ეთერის მიერ სეტემბერში მონიჭებული სიხარული, როცა ის პირველი გახდა ქართველ More »

ეთერ ლიპარტელიანი ევროპის ჩემპიონი გახდა

ეთერ ლიპარტელიანი ევროპის ჩემპიონი გახდა

გუშინ, 12 სექტემბერს, ფინეთის ქალაქ ვანტააში, ეთერ ლიპარტელიანმა ევროპის ჩემპიონობა მოიპოვა ძიუდოში ახალგაზრდებს შორის (-57კგ). ქართული ძიუდოს ისტორიაში ის პირველი ქალი ძიუდოისტი გახდა, რომელმაც ევროპის ახალგაზრდულ ჩემპიონატზე ოქროს მედალი მოიპოვა. More »

 

მთა ლაბრახი, ქვემო სვანეთი, ფოტოს ავტორი: მიხეილ ლიპარტელიანი, 1.06.2019 წ.

ლენტეხში საავადმყოფოს თანამშრომლების ნაწილი გაიფიცა

დღეს, 3 ივნისს, 10 სთ-დან დაახლოებით 12 სთ-მდე, დაბა ლენტეხში  საავადმყოფოს თანამშრომლების ნაწილი გაიფიცა. გაფიცვის მიზეზი ბოლო 3 თვის აუღებელი ხელფასი იყო.

რეგიონულმა ჰაბმა ლენტეხსა და რაჭა-ლეჩხუმში ტრენინგები ჩაატარა პროექტის მართვის საკითხებზე

24 მაისს – ქ. ამბროლაურში, 23 მაისს – ქ. ონში, 17 მაისს – დაბა ლენტეხში, 15 მაისს – ქ. ცაგერში – რაჭა-ლეჩხუმისა და ქვემო სვანეთის რეგიონულმა ჰაბმა, საზოგადოებრივმა ორგანიზაციამ “ფონდი „აფხაზინტერკონტი”“, ადგილობრივი საზოგადოებრივი ორგანიზაციების, ახალგაზრდებისა და დაინტერესებული პირებისათვის ჩაატარა ტრენინგი თემაზე: „პროექტის მართვა“ (II ნაწილი);

ეთერ ლიპარტელიანმა ევროპის თასის ტურნირზე ბრინჯაოს მედალი მოიპოვა

19 მაისს, ესპანეთის ქალაქ მალაგაში გამართულ ევროპის თასის ტურნირზე ახალგაზრდა ძიუდოისტებს შორის ეთერ ლიპარტელიანმა ბრინჯაოს მედალი მოიპოვა 57კგ. წონით კატეგორიაში. საქართველოდან შესანიშნავად იასპარეზა მარიამ ჭანტურიამ, რომელმაც ოქროს მედალი მოიგო 70კგ-მდე წონით კატეგორიაში.

ირაკლი ქურასბედიანმა მორიგი ორთაბრძოლა მოიგო

13 აპრილს, ესპანეთის ქალაქ ბარსელონაში ირაკლი  იმედას ძე ქურასბედიანმა, რომელიც პროფესიონალურ კრივში ასპარეზობს, მორიგი ორთაბრძოლა მოიგო.  წარმატებული სვანი მოკრივის  მეტოქე ამჯერად ესპანელი აველინო ვაზკეცი იყო.

გოჩა ლიპარტელიანი დიაკვნად ეკურთხა

20 აპრილს, ლაზარეს შაბათს, ცაგერის ღვთისმშობლის მიძინების სახელობის ტაძარში, სადღესასწაულო წირვისას ცაგერისა და ლენტეხის მიტროპოლიტმა სტეფანემ (კალაიჯიშვილი) დიაკვნად აკურთხა გოჩა გრიგოლის ძე ლიპარტელიანი. იგი ამჟამად ცაგერისა და ლენტეხის ეპარქიაში მსახურობს დიაკონის ხარისხში. მამა გოჩა (ლიპარტელიანი) ცაგერის წმ. მაქსიმე აღმსარებლის სახელობის სასულიერო სემინარიის პირველი კურსის სტუდენტია. იგი ლენტეხის რაიონის სოფ. ლასკადურაში ცხოვრობს, ჰყავს მეუღლე ჯენარო ონიანი  და ხუთი ვაჟი.

სკოლის ეზოში ელექტროგადამცემი ბოძები ერთმანეთზეა “მიყუდებული”

ქვემო სვანეთის სოფ. თეკალში მდებარე ჩოლურის საჯარო სკოლის ეზოში საოცარ სანახაობას ნახავთ: ელ. სადენების დამჭერი ძველისძველი ბოძები ერთმანეთს არიან მიყრდნობილი ურთიერთგასამაგრებლად. ენერგო-ინფრასტრუქტურის ეს “თანამედროვე” ნაგებობა 2017 წელს შექმნეს ჩვენმა ენერგეტიკოსებმა, მას შემდეგ რაც  ჩოლურის თემში, მდინარე ცხენისწყლისა და მდინარე მუხრას შესართავთან მდებარე მაღალი ძაბვის სადენების გადამცემ ბოძს მათივე უყურადღებობის გამო ადიდებულმა მდინარე მუხრამ მიწა გამოაცალა, რის შედეგადაც  ჩოლურის თემის 10-მდე სოფელს ელექტროენერგია რამდენიმე დღე არ მიეწოდებოდა.

თორნიკე გვიჭიანმა ევროპის პირველობა მოიგო

14 აპრილს, კვიპროსის ქალაქ ლიმასოლში გამართულ ევროპის პირველობაზე ჭიდაობა სამბოში თორნიკე გვიჭიანმა ოქროს მედალი მოიპოვა  ახალგაზრდებს შორის 74 წონით კატეგორიაში. ახლა ის მსოფლიო ჩემპიონატისთვის მოემზადება, რომელიც ოქტომბრის თვეში გაიმართება.

ამ ევროპის პირველობაზე ჭაბუკებს და ახალგაზრდებს შორის ქართველმა სამბისტებმა მთლიანობაში წარმატებით იასპარეზეს და 3 ოქროს, 8 ვერცხლის და  6 ბრინჯაოს მედალი მოიპოვეს:

ილია ხაბულიანი ესპანეთის ჩემპიონია ძიუდოში

2 მარტს მადრიდში გამართულ შეჯიბრზე ახალგაზრდებს შორის 19 წლის ილია ვალერის ძე  ხაბულიანი ესპანეთის ჩემპიონი გახდა ძიუდოში 90კგ. წონით კატეგორიაში.

ილია ვალერის ძე ხაბულიანი დაიბადა 1999 წლის 11 ნოემბერს ესპანეთის ქალაქ ბარსელონაში. მისი მშობლები ქვემო სვანეთის ჩოლურის თემიდან არიან: მამა –  სოფ. ფანაგიდან, დედა ხათუნა ქურდიანი – სოფ. ლეუშერიდან. მათ 1998 წელს საქართველოში შექმნეს ოჯახი და ესპანეთში 1999 წელს გადასახლდნენ.

ლენტეხში მოსახლეობამ ჰესის პროექტის განხილვა ჩაშალა

გუშინ, 22 მარტს, დაბა ლენტეხში დაგეგმილი იყო “ხელედულა 3” ჰესის პროექტის საჯარო განხილვა. ჰესის მშენებლობის მოწინააღმდეგე მოქალაქეების დიდმა ჯგუფმა გამართა საპროტესტო აქცია, შენობაში არავინ შეუშვა, რის გამოც განხილვა ჩაიშალა.