18 მაისს პოლონეთის ქალაქ კატოვიცაში ჩატარდა ევროპის ჩემპიონატი პარა-მკლავჭიდში, სადაც  40 წლამდელთა შორის აბსოლუტურ წონით  კატეგორიაში თენგო გაზდელიანმა  (მწვრთნელი – ერეკლე გურჩიანი) მარჯვენა მკლავით შეჯიბრში ვერცხლი, მარცხენა მკლავით შეჯიბრში კი ბრინჯაო მოიპოვა. თენგო გაზდელიანი  მხოლოდ ორი წელია რაც აქტიურ სპორტს დაუბრუნდა და უკვე დიდ წარმატებებს მიაღწია.  Continue reading თენგიზ (თენგო) გაზდელიანი ისევ ევროპის ვიცე-ჩემპიონია პარამკლავჭიდში →

13 მაისს ბარსელონაში გაიმართა პროფესიონალური სარეიტინგო ორთაბრძოლა კრივში  ირაკლი ქურასბედიანსა და  მალიორკელ ლორენსო რაიოს შორის. ორთაბრძოლა  ირაკლი ქურასბედიანის  გამარჯვებით დასრულდა,

ირაკლიმ გამარჯვება მეორე რაუნდში ტექნიკური ნოკაუტით მოიპოვა. ორთაბრძოლას ორგანიზატორობდა ირაკლი ქურასბედიანის მწვრთნელი და მენეჯერი დანიელ კასერტა.  მოგებულს  ფულადი პრიზი გადაეცა.
Continue reading ირაკლი ქურასბედიანის მორიგი წარმატება კრივში →

14-მაისს წმინდა თამარ მეფის ხსენების დღეს უშგულის ლამარიის X-XI საუკუნის მონასტერში არსებულ თამარ მეფის სახელობის ტაძარში მონასტრის წინამძღვარმა არქიმანდრიტმა
იონამ (გელაშვილი) მონასტრის წევრებთან ერთად საზეიმო წირვა აღავლინა.
Continue reading უშგულში თამარობა იზეიმეს →

10 მაისს დაბა ლენტეხში გაიმართა გერასიმე ქურასბედიანის სახელობის ტრადიციული ტურნირი ქართულ ჭიდაობაში. გერასიმე ქურასბედიანი იყო სპორტის დამსახურებული მუშაკი, სპორტის ოსტატი და საქართველოს არაერთგზის ჩემპიონი ქართულ ჭიდაობაში. მისი გარდაცვალების შემდეგ უკვე მესამედ, მისივე დაბადების დღეზე იმართება ტურნირი ქვემო სვანეთში.
შეჯიბრში მონაწილეობდნენ ლენტეხის მუნიციპალიტეტის  სასპორტო სკოლების გაერთიანებაში შემავალი სასპორტო სკოლების და ჭიდაობის სექციების მოსწავლეები.
Continue reading ლენტეხში გერასიმე ქურასბედიანის სახელობის ტურნირი ჩატარდა →

თითქმის ერთკვირიანმა უამინდობამ და უხვმა ნალექმა საგრძნობლად დააზიანა ზემო სვანეთის სხვადასხვა სოფლები და მესტია-ზუგდიდის დამაკავშირებელი საავტომობილო გზა.
Continue reading სტიქია ზემო სვანეთში →

5-9 მაისს თბილისში, ვაკის საცოც დარბაზში ჩატარდა ირაკლი გელდიაშვილის სახელობის მემორიალი მეკლდეურობის სამ სახეობაში, სადაც სწრაფ ცოცვაში გიგა ჯანხოთელმა პირველი ადგილი მოიპოვა, ბოლდერინგში  მარიამ ქურდიანმა აიღო პირველი ადგილი,მეკლდეურობის სამივე სახეობაში სალომე მეშველიანი  მეორე ადგილზე გავიდა,ვაჟებიდან კი სწრაფი ცოცვის კატეგორიაში გიორგი ჯაფარიძემ მოიპოვა მეორე ადგილი.
Continue reading მეკლდეურობაში გიგა ჯანხოთელმა და მარიამ ქურდიანმა პირველი ადგილები მოიპოვეს →

6 მაისს, თბილისში, ”საქართველოს კომპოზიტორთა შემოქმედებითი კავშირი”-ს  შენობაში, ესთეტიკური აღზრდის ცენტრის ორგანიზებით  ჩატარდა გიორგი ცაბაძის სახელობის ქართული საესტრადო სიმღერის ტრადიციული კონკურსი სახელწოდებით – ”ჩემი საქართველო აქ არის”, სადაც ლენტეხის მოსწავლე ახალგაზრდობის ცენტრის აღსაზრდელებმა გრან პრი და ორი მე-2-ე ადგილი მოიპოვეს.
Continue reading ლუკა ტვილდიანი სიმღერის კონკურსზე გრან პრით დაჯილდოვდა →

2 მაისს ლატალის საჯარო სკოლის X კლასის მოსწავლეებთან ერთად, მოვილოცე თანღილის მიქაელ მთავარანგელოზის სახელობის ტაძარი. მოსწავლეებმა გამოთქვეს სურვილი დაესუფთავებინათ ტაძარი და მისი მიმდებარე ტერიტორია. თანღილს ზაფხულობით ბევრი მომლოცველი თუ ტურისტი სტუმრობს და ეს ინიციატივა მეტად საჭირო აღმოჩნდა იქ ჩატარებული ხალხური დღესასწაულის შემდეგ.
Continue reading მოსწავლეებმა თანღილის მიქაელ მთავარანგელოზის სახელობის ტაძარი მოილოცეს →

ესპანეთის ქალაქ ბარსელონაში მოღვაწე მოკრივე,  ქვემო სვანეთის  სოფელ ბაბილის მკვიდრი, ირაკლი  იმედას ძე ქურასბედიანი  უკვე  9 წელია რაც სპორტის ამ სახეობაში ვარჯიშობს და უკვე საკმაოდ წარმატებულია, მოყვარულ მოკრივეებს შორის  მოგებული აქვს ესპანეთის თასი, მეგობრობის საერთაშორისო ტურნირი, კატალონიის რეგიონის ტურნირი რამდენჯერმე, ასევე სხვა არარეგიონული ტურნირები. ის ჯერ 23 წლის არის,  უკვე პროფესიონალურ კრივში აგრძელებს ასპარეზობას და წარმატების დიდი იმედი აქვს.
გთავაზობთ ინტერვიუს პერსპექტიულ სპორტსმენთან:
Continue reading ირაკლი ქურასბედიანი პროფესიონალურ კრივში ასპარეზობს →

29 აპრილს თბილისში სამების საკათედრო ტაძარში  გაიმართა ”სააღდგომო ფესტივალი” , რომელშიც მონაწილეობდნენ დასავლეთ საქართველოს რეგიონის სამხატვრო სკოლები. ფესტივალზე ლენტეხის სამხატვრო სკოლის 27 -მა აღსაზრდელმა და ორმა პედაგოგმა (თამილა ლიპარტელიანი და მთვარისა გაზდელიანი) წარადგინა საკუთარი  ნამუშევარი. ფესტივალს ორგანიზატორობდნენ  საპატრიარქოსთან არსებული  “ახალგაზრდობის სულიერი და ინტელექტუალური განვითარების  ცენტრი”  და კომპანია  ”სტუდია  N”.
Continue reading ლენტეხის სამხატვრო სკოლა ”სააღდგომო ფესტივალზე” →

ქვემო სვანეთში, სოფელ ფაყიდან დაახლოებით ხუთ კილომეტრში, სკალდის მთაზე, ზღვის დონიდან 2210 მეტრზე მდებარეობს მთავარანგელოზების სახელობის ტაძარი. ეს ტაძარი სვანეთში და არა მარტო სვანეთში ოდითგანვე ძლევამოსილ სალოცავად ითვლება. ათწლეულების მანძილზე ამ ტაძრის გასაღები ე.წ. “სტაროსტებს” ეპყრათ ხელთ, მაგრამ მდგომარეობა შეიცვალა.
Continue reading სკალდის მონასტერში “სტაროსტები” ვეღარ ბოგინობენ →

23 აპრილს დაბა ლენტეხში, ოლეგ ლიპარტელიანის სახელობის სტადიონზე საქართველოს რაგბის კავშირისა და ლენტეხის მუნიციპალიტეტის გამგეობის ორგანიზებით გაიმართა დასავლეთ საქართველოს რაგბის ფესტივალი, რომელიც   საქართველოს მრავალგზის ჩემპიონების რაგბიში და ლელობურთში, საბჭოთა კავშირის ჩემპიონებისა და თასის მფლობელების, საქართველოს დამსახურებული მწრთვნელების : შალვა ქურციკიძის, ოლეგ ლიპარტელიანის, ვახტანგ შვანგირაძის, ემზარ გეგუჩაძის, ნუგზარ ძაგნიძის, ავთანდილ ჩუბინიძის ხსოვნას მიეძღვნა.
Continue reading ლენტეხში დასავლეთ საქართველოს სარაგბო ფესტივალი გაიმართა →