22 ივნისს, ლენტეხის მუნიციპალიტეტის ჩოლურის თემში, მდინარე ცხენისწყლისა და მდინარე მუხრას შესართავთან მდებარე მაღალი ძაბვის ბოძს ხანგრძლივმა წვიმებმა და ადიდებულმა მდინარე მუხრამ მიწა გამოაცალეს, რამაც გამოიწვია მისი წაქცევა.
Continue reading ელექტროგადამცემი ბოძის წაქცევის შედეგად ქვემო სვანეთის რამდენიმე სოფელს ელ. ენერგიის მიწოდება შეუწყდა →

17   ივნისს მესტიაში ჩატარდა კონკურსის ნორჩი მათემატიკოსის დასკვნითი, III ტური.  მასში მონაწილეობა მიიღეს იმ მოსწავლეებმა, რომელთაც შემოდგომაზე და გაზაფხულზე ჩატარებული  II ტური წარმატებით გადალახეს. ასეთი სულ 100 მონაწილე იყო. III ტურშიც იგივე  პირობა იყო, რაც წინა ტურებში: წარამატებულად  ჩაითვალა  ყველა,  ვინც  60%-იანი   ზღვარი გადალახა.
Continue reading  ზემო სვანეთში კონკურსი  “ნორჩი მათემატიკოსი“ ჩატარდა →

21 ივნისს ლენტეხის მუნიციპალიტეტის სოფ. ბაბილში გადაუღებელი წვიმების შედეგად ჩამოიშალა კლდე, რის შედეგადაც ჩაიკეტა ლენტეხი-ლასდილის საავტომობილო გზა. ეს დაახლოებით ღამის 11-ის ნახევარზე მოხდა და საბედნიეროდ არავინ დაშავდა. ტრანსპორტის მოძრაობა მეორე დღეს გაწმენდითი სამუშაოების ჩატარების შედეგად განახლდა. Continue reading სოფ. ბაბილში კლდე ჩამოიშალა – ტრანსპორტის მოძრაობა აღდგენილია →

17 ივნისს მესტიაში გაიმართა  ფესტივალი გამოფენა “საქართველოს მთებში”, რომელშიც ლენტეხის სამხატვრო სკოლამ მიიღო მონაწილეობა. ლენტეხის სამხატვრო სკოლას წარმოდგენილი ჰქონდა ნამუშევრები გრაფიკაში, გობელენში, თექაში – სვანეთის და თავისუფალ თემაზე.
Continue reading ლენტეხის სამხატვრო სკოლამ მესტიის ფესტივალში მიიღო მონაწილეობა →

ლენტეხის მუნიციპალიტეტის ჩოლურის საჯარო სკოლაში არსებული მოსწავლეთა სამოქალაქო კლუბის “რტო“-ს წევრებმა 2016-2017 სასწავლო წელს განახორციელეს პროექტი სახელწოდებით “სკოლა ჩვენი სიამაყეა”, რომლის მიზანი იყო ჩოლურის საჯარო სკოლას ჰქონოდა მუდმივი სასმელი წყალი. Continue reading ჩოლურის საჯარო სკოლის მოსწავლეებმა მშობლიურ სკოლაში წყალი შეიყვანეს →

10 ივნისს თბილისში, საპატრიარქოს ახალგაზრდობის სულიერი და ინტელექტუალური განვითარების ცენტრში, ჩატარდა ინტელექტუალური კონკურსის “ჩვენ ვსწავლობთ ბიბლიას” ფინალური ეტაპი, რომელშიც მესტიის წმინდა ილარიონ ქართველის სახელობის სკოლა-გიმნაზიის გუნდმა “ოსანა”-მ გაიმარჯვა და საჩუქრად ისრაელის ერთკვირიანი საგზური მოიპოვა. Continue reading მესტიის გიმნაზიის მოსწავლეებმა კონკურსში გაიმარჯვეს და ერთი კვირით იერუსალიმს მოილოცავენ →

10 ივნისს დაბა მესტიაში, სეტის მოედანზე ტურიზმის ეროვნული ადმინისტრაციის ორგანიზებით გაიმართა ზაფხულის ტურისტული სეზონის გახსნის ღონისძიებები. დამსწრე საზოგადოებისთვის რამდენიმე სიმღერა შეასრულა მესტიის ფოლკლორულმა ანსამბლმა “რიჰომ”, საზეიმო საღამოს დასასრულს მსმენელის წინაშე წარსდგა მუსიკალური ჯგუფი “ფრანი”. Continue reading ტურისტული სეზონის გახსნის ღონისძიებები დაბა მესტიაში გაგრძელდა →

10 ივნისს მესტიაში ზაფხულის ტურისტული სეზონი ბორის კახიანის სახელობის სათხილამურო ტურნირით გაიხსნა. შეჯიბრს სამთო-სათხილამურო კურორტმა “თეთნულდმა” უმასპინძლა.

ბორის კახიანი იყო საბჭოთა კავშირის სპორტის ოსტატი სათხილამურო სპორტში 1967 წლიდან, საერთაშორისო შეჯიბრებების, საბჭოთა კავშირის ჩემპიონატებსა და სპარტაკიადებში გამარჯვებული. ის, 35 წლის ასაკში, თავის მძღოლთან ერთად დაუდგენელ ვითარებაში დაიკარგა და დაღუპულად გამოცხადდა. Continue reading ზემო სვანეთში ზაფხულის ტურისტული სეზონი ბორის კახიანის სახელობის სათხილამურო ტურნირით გაიხსნა →

9 ივნისს ჭიათურაში მესტიის წმინდა ილარიონ ქართველის სახელობის სკოლა-გიმნაზიასა და ჭიათურის წმინდა ანდრია პირველწოდებულის სახელობის სკოლა-გიმნაზიას შორის ურთიერთთანამშრომლობის მემორანდუმი გაფორმდა. Continue reading ჭიათურისა და მესტიის გიმნაზიებს შორის მემორანდუმი გაფორმდა →

10-ივნისს, მესტიის II საჯარო სკოლაში მიგრაციის საერთაშორისო ორგანიზაციის საქართველოს მისიის წარმომადგენლებმა ფსიქოაქტიური ნივთიერებების ავადმოხმარების პირველად პრევენციაზე მიმართული კონკურსი ჩაატარეს მე-8 და მე-9 კლასის მოსწავლეებისათვის. კონკურსში I ადგილზე გავიდა VIII კლასის მოსწავლე ნინო კახბერიძე, რომელმაც შესაბამის თემატიკაზე ლექსი დაწერა და რეპის სახით წარმოადგინა. Continue reading მესტიაში მოსწავლეებისთვის ფსიქოაქტიური ნივთიერებების ავადმოხმარების შესახებ კონკურსი ჩატარდა →

29 მაისს მოულოდნელად გარდაიცვალა სვანეთის ისტორიისა და ეთნოგრაფიის მუზეუმის დირექტორი, ყველასთვის საყვარელი და საპატივცემულო პიროვნება, ქალბატონი რუსიკო ქოჩქიანი.
რუსიკო დავითის ასული ქოჩქიანი დაიბადა 1960 წლის 12 ივნისს დაბა მესტიაში. მან 1984 წელს წარჩინებით დაამთავრა თბილისის სახელმწიფო სამხატვრო აკადემიიის მაგისტრატურა, მინიჭებული ჰქონდა ხელოვნებათმცოდნის კვალიფიკაცია. 2008 წელს მოიპოვა სმითსონიანის (აშშ) ინსტიტუციის სერთიფიკატი სამუზეუმო საქმის მენეჯმენტში. ფლობდა ინგლისურ და რუსულ ენებს.
სვანეთის ისტორიისა და ეთნოგრაფიის მუზეუმში მუშაობა დაიწყო 1984 წელს. პარალელურად 1984-85 წწ. მუშაობდა მესტიის სამხატვრო სკოლის დირექტორად. Continue reading რუსიკო ქოჩქიანი მესტიის მიწას მიაბარეს →